Web Desk

തിരുവനന്തപുരം

March 08, 2020, 10:56 am

കേരളത്തിൽ വീണ്ടും കൊറോണ; ഒരു കുടുംബത്തിലെ അഞ്ച് പേർക്ക് വൈറസ് ബാധ

Janayugom Online

കേരളത്തിൽ വീണ്ടും കൊറോണ. ഒരു കുടുംബത്തിലെ അഞ്ച് പേർക്ക് വൈറസ് ബാധ സ്ഥിരീകരിച്ചു. പത്തനംതിട്ട റാന്നി ഐത്തല സ്വദേശികള്‍ക്കാണ് വൈറസ് ബാധിച്ചത്. ആരോഗ്യമന്ത്രി കെ.കെ.ശൈലജയാണ് വാര്‍ത്താസമ്മേളനം നടത്തി ഇക്കാര്യം ഔദ്യോഗികമായി അറിയിച്ചത്. ഇറ്റലിയിൽ നിന്ന് മടങ്ങിയെത്തിയ മൂന്ന് പേർക്കും ഇവരുടെ ബന്ധുക്കളായ രണ്ടുപേർക്കുമാണ് രോഗം സ്ഥിരീകരിച്ചത്. രോഗികൾ പത്തനംതിട്ട ജനറൽ ആശുപത്രിയിലെ ഐസൊലേഷൻ വാർഡിൽ നിരീക്ഷണത്തിലാണ്.

ഇറ്റലിയിൽ നിന്ന് ഫെബ്രുവരി 29‑ന് ഖത്തർ എയർവേയ്സിന്റെ (QR-126) വെനീസ്-ദോഹ വിമാനത്തിലാണ് ഇവർ നാട്ടിലേക്ക് തിരിച്ചത്. 11.20ന് ഈ വിമാനം ദോഹയിലെത്തി. ഇവിടെ അവർ കൊച്ചിയിലേക്കുള്ള വിമാനത്തിനായി ഒന്നര മണിക്കൂറോളം കാത്തുനിന്നു. തുടർന്ന് ഖത്തർ എയർവേയ്സിന്റെ തന്നെ Q R 514 വിമാനത്തിൽ കൊച്ചിയിലേക്ക് വന്നു. മാർച്ച് ഒന്നിന് രാവിലെ 8.20 ഓടെയാണ് ഈ വിമാനം കൊച്ചിയിലെത്തിയത്.

ഇവിടെ നിന്ന് സ്വകാര്യ കാറിലാണ് വീട്ടിലേക്ക് പോയത്. ഈ വിമാനത്തിലുണ്ടായിരുന്നവർ ആരോഗ്യ വകുപ്പുമായി ബന്ധപ്പെടണമെന്ന് മന്ത്രി അറിയിച്ചു. ഇവർ എയർപോർട്ടിൽ റിപ്പോർട്ട് ചെയ്യാതെ മടങ്ങിയതാണ് സ്ഥിതി വഷളായത്. ഇതെ തുടർന്ന് പത്തനംതിട്ടയിൽ പ്രതിരോധ പ്രവർത്തനങ്ങൾ ശക്തമാക്കി. ശനിയാഴ്ച രാത്രിയോടെയാണ്‌ ഇവര്‍ക്ക് കൊറോണ സ്ഥിരീകരിച്ചതായുള്ള റിപ്പോര്‍ട്ട് പുണെ വൈറോളജി ഇന്‍സ്റ്റിറ്റ്യൂട്ടില്‍ നിന്ന് ലഭിച്ചതെന്നാണ് വിവരം.

Eng­lish Sum­ma­ry; coro­na virus new case con­firmed in Kerala

YOU MAY ALSO LIKE THIS VIDEO