Web Desk

സിംഗപ്പൂർ

February 09, 2020, 3:27 pm

കൊറോണ വൈറസ്; സാധനങ്ങൾക്ക് വാങ്ങൽ പരിധി ഏർപ്പെടുത്തി സർക്കാർ

Janayugom Online

ആഗോള തലത്തിൽ കൊറോണ വൈറസ് പൊട്ടിപ്പുറപ്പെട്ടതിനെ തുടർന്ന് പലചരക്ക് സാധനങ്ങൾക്കും വ്യക്തിഗത ശുചിത്വ വസ്തുക്കൾക്കും സിംഗപ്പൂരിൽ ആവിശ്യക്കാർ കൂടിയ സാഹചര്യത്തിൽ പുതിയ നീക്കവുമായി സർക്കാർ. രാജ്യത്തെ എല്ലാ എൻ‌ടിയു‌സി ഫെയർ‌പ്രൈസ് കടകളിലും ഷോപ്പിംങ് മാർക്കറ്റിലും ഞായറാഴ്ച മുതൽ ഒരു ഉപഭോക്താവിന് നാല് പായ്ക്ക് പേപ്പർ ഉൽ‌പ്പന്നങ്ങൾ, രണ്ട് ബാഗ് അരി, നാല് ബണ്ടിൽ പായ്ക്ക് നൂഡിൽസ് എന്നിവ മാത്രമേ വാങ്ങാൻ അനുവാദമുള്ളൂ. ഞായറാഴ്ച രാവിലെ സിംഗപ്പൂരിലുടനീളമുള്ള എല്ലാ സ്റ്റോറുകളിളും സർക്കാർ നോട്ടീസ് നൽകി. സ്റ്റോക്ക്പൈലിംഗിൽ നിന്ന് ഉപഭോക്താക്കളെ നിരുത്സാഹപ്പെടുത്താനുള്ള ശ്രമങ്ങളുടെ ഭാഗമാണ് അധിക വാങ്ങൽ പരിധി ഏർപെടുത്തിയിരിക്കുന്നതെന്ന് ഫെയർ‌പ്രൈസ് വക്താവ് പറഞ്ഞു. “വീട്ടിൽ സ്വന്തമായി ഒരു ചെറിയ ശേഖരം സൃഷ്ടിക്കേണ്ട ആവശ്യമില്ലെന്നും നിങ്ങൾക്ക് ആവശ്യമുള്ളത് മാത്രം വാങ്ങിക്കുവെന്നും വക്താവ് കൂടിചേർത്തു. സിംഗപ്പൂരിൽ കൊറോണ ബാധിച്ചവരുടെ എണ്ണം 40 ആയി. ഇന്ന് രജിസ്റ്റർ ചെയ്ത രണ്ട് കേസുകളിൽ ഒരാൾ ടാക്സി ഡ്രൈവർ, സ്വകാര്യ വാടക കാർ ഡ്രൈവറുമാണ്.

Eng­lish sum­ma­ry: Coro­na virus; The gov­ern­ment has set a lim­it on pur­chase of goods

YOU MAY ALSO LIKE THIS VIDEO