October 5, 2022 Wednesday

Related news

September 14, 2022
September 13, 2022
September 12, 2022
August 30, 2022
August 22, 2022
August 22, 2022
August 20, 2022
August 17, 2022
August 9, 2022
August 7, 2022

കുറ്റവാളികള്‍ക്കും വിദ്യാഭ്യാസത്തിനുള്ള അവകാശമുണ്ടെന്ന് കോടതി

Janayugom Webdesk
ലഖ്നൗ
August 7, 2022 8:51 pm

ഇന്ത്യന്‍ നിയമവ്യവസ്ഥ അനുസരിച്ച് കുറ്റവാളികളായവര്‍ക്കും വിദ്യാഭ്യാസം തുടരാനുള്ള അവകാശമുണ്ടെന്ന് അലഹബാദ് കോടതി. ജയിലില്‍ കഴിയുമ്പോള്‍ പരീക്ഷയ്ക്ക് പോകുന്നതിനും വിദ്യാഭ്യാസം തുടരുന്നതിനും തടസമില്ലെന്നും കോടതി നിരീക്ഷിച്ചു. അലിഗഢ് മുസ്‌ലിം സര്‍വകലാശാലയിലെ ബിഎ എല്‍എല്‍ബി വിദ്യാര്‍ത്ഥിയായ ആദില്‍ ഖാന്റെ ഹര്‍ജിയിലാണ് ജസ്റ്റിസ് നീരജ് തിവാരിയുടെ ഉത്തരവ്.
സര്‍വകലാശാലയുടെ അച്ചടക്ക നടപടികളെ ബാധിക്കാത്ത രീതിയില്‍ അധ്യായന വര്‍ഷം നഷ്ടപ്പെടാതെ ഹര്‍ജിക്കാരന് പരീക്ഷയെഴുതാന്‍ ആവശ്യമായ നടപടിക്രമങ്ങള്‍ അറിയിക്കാന്‍ കോടതി സര്‍വകലാശാലയ്ക്ക് നിര്‍ദ്ദേശം നല്‍കി. ബിഎ എല്‍എല്‍ബി പഞ്ചവത്സര കോഴ്സാണ് ആദില്‍ പഠിച്ചിരുന്നത്. ഏഴാം സെമസ്റ്റര്‍ പരീക്ഷ എഴുതിയിരുന്നെങ്കിലും ഫലം പ്രഖ്യാപിച്ചിരുന്നില്ല. അതിനിടെ 2019 സെപ്റ്റംബര്‍ നാലിന് കേസുമായി ബന്ധപ്പെട്ട് ആദില്‍ ഖാനെ പുറത്താക്കുകയും ചെയ്തു.
ശിക്ഷ നടപ്പാക്കുന്നത് ഒരാളുടെ സ്വഭാവത്തെ പരിഷ്കരിക്കുന്നതിനാണ്. മുന്‍വിധിയോടെയായിരിക്കരുതെന്നും കോടതി നിരീക്ഷിച്ചു. പഠനം പൂര്‍ത്തിയാക്കാന്‍ അനുവദിക്കാത്തത് പ്രതിയുടെ ഭാവി നശിപ്പിക്കുന്നതിന് തുല്യമാണ്. ഹര്‍ജിക്കാരന്‍ യുവ വിദ്യാര്‍ത്ഥിയാണെന്നും തെറ്റ് തിരുത്തി ജീവിതത്തിലെ മികച്ചവഴി കണ്ടെത്താന്‍ അവസരം നല്‍കണമെന്നും കോടതി പറഞ്ഞു. 17ന് കോടതി വീണ്ടും ഹര്‍ജി പരിഗണിക്കും. 

Eng­lish Sum­ma­ry: Court says crim­i­nals also have right to education

You may like this video also

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.