Web Desk

 ന്യൂഡൽഹി:

September 30, 2020, 10:23 pm

കോടതിവിധി ഞെട്ടിക്കുന്നതും നിരാശപ്പെടുത്തുന്നതും: സിപിഐ

Janayugom Online

ബാബറി മസ്ജിദ് തകർത്തതുസംബന്ധിച്ച കേസിൽ ലഖ്നൗവിലെ പ്രത്യേക സിബിഐ കോടതിവിധി ഞെട്ടിക്കുന്നതും നിരാശപ്പെടുത്തുന്നതുമാണെന്ന് സിപിഐ ജനറൽ സെക്രട്ടറി ഡി രാജ അഭിപ്രായപ്പെട്ടു. നീതിന്യായവ്യവസ്ഥയെ പരിഹസിക്കുന്നതിന് തുല്യമാണ് ഈ വിധി. സുപ്രീംകോടതി തന്നെ നേരത്തെ മറ്റൊരു വിധിയിൽ ബാബറി മസ്ജിദ് തകർത്തത് നിയമവിരുദ്ധവും കുറ്റകൃത്യവുമാണെന്ന് പറഞ്ഞിരുന്നതാണ്.

ബാബറി മസ്ജിദിനെതിരായി ആർഎസ്എസ് — ബിജെപി നേതാക്കൾ രഥയാത്ര ഉൾപ്പെടെയുള്ള വിപുലമായ ക്യാമ്പയിനുകൾ നടത്തി ജനങ്ങളെ സംഘടിപ്പിച്ചതും അതിന്റെ ഒടുവിൽ ബാബറി മസ്ജിദ് തകർക്കപ്പെട്ടതും എല്ലാവർക്കും അറിയാവുന്ന വസ്തുതയാണ്. ബാബറി മസ്ജിദ് തകർക്കുന്നതിൽ പങ്കെടുത്ത കർസേവകർ സാമൂഹ്യവിരുദ്ധരാണെന്ന് നാം മനസിലാക്കിയിരിക്കുന്നുവെന്നും ഡി രാജ പറഞ്ഞു.

ENGLISH SUMMARY: Court ver­dict shock­ing and dis­ap­point­ing: CPI

YOU MAY ALSO LIKE THIS VIDEO