Web Desk

തിരുവനന്തപുരം

April 13, 2020, 12:47 pm

കോവിഡ് 19 ആന്റിബോഡി ടെസ്റ്റിന് മാർഗരേഖ തയാറായി; 20 മിനിറ്റില്‍ ഫലമറിയാം

Janayugom Online

സംസ്ഥാനത്ത് കൊവിഡ് 19 പ്രതിരോധത്തിന്റെ ഭാഗമായുള്ള റാപ്പിഡ് ആന്റിബോഡി ടെസ്റ്റിനുള്ള മാർഗരേഖ തയാറായി. 20 മിനുറ്റിനുള്ളിൽ ഫലമറിയാനാവുന്ന പരിശോധനയാണ് റാപിഡ് ആന്റിബോഡി ടെസ്റ്റ്. നേരത്തെ നടന്ന റാപിഡ് ടെസ്റ്റുകളിൽ സ്രവമാണ് രോഗിയിൽ നിന്ന് ശേഖരിച്ചിരുന്നത്.

എന്നാല്‍ ആന്റി ബോ‍ഡി ടെസ്റ്റില്‍ രക്തമാണ് പരിശോധനയ്ക്കെടുക്കുന്നത്. പഠനത്തിനു മുന്നോടിയായി സാമൂഹിക വ്യാപനമുണ്ടോ എന്നു തിരിച്ചറിയാനുള്ള നിരീക്ഷണത്തിനാണ് ആന്റിബോഡി ടെസ്റ്റ് നടത്തുന്നത്. പരിശീലനം ലഭിച്ചവർക്കു മാത്രമെ കിറ്റ് ഉപയോഗിക്കാൻ അനുമതിയുണ്ടാകൂ.

ഒരാഴ്ചയ്ക്കുള്ളിൽ സംസ്ഥാനത്ത് ഈ പരിശോധന തുടങ്ങാനാകുമെന്നാണ് കരുതുന്നത്. രാജീവ് ഗാന്ധി സെന്റർ ഫോർ ബയോടെക്നോളജി ആന്റിബോഡ് ടെസ്റ്റ് കിറ്റുകൾ സ്വന്തമായി ഉത്പാദിപ്പിക്കുന്നുണ്ട്. ഒരാഴ്ചയ്ക്കുള്ളിൽ ഒരു ലക്ഷം കിറ്റുകളോടെ ആന്റിബോഡി ടെസ്റ്റ് തുടങ്ങാനാണ് സംസ്ഥാനം ലക്ഷ്യമിടുന്നത്. ‍

Eng­lish Sum­ma­ry: Covid 19 Anti­body test guide­line is ready.

you may also like this video;