Web Desk

March 20, 2020, 5:17 pm

കോവിഡ് 19: ശബരിമലയിലും ഗുരുവായൂർ ക്ഷേത്രത്തിലും ഭക്തർക്ക് വിലക്ക്

Janayugom Online

കോവിഡ് 19 മുൻകരുതൽ നടപടിയായി ഗുരുവായൂർ ക്ഷേത്രത്തിലും ശബരിമലയിലും ഭക്തർക്ക് വിലക്കേർപ്പെടുത്തി. ഗുരുവായൂരിൽ നാളെ മുതൽ ചോറൂണ്, ഉദയാസ്തമന പൂജ, വിവാഹം, കൃഷ്ണനാട്ടം, വാഹനപൂജ, ചുറ്റുവിളക്ക് എന്നിവ ഉണ്ടാകില്ല. ക്ഷേത്രത്തിലെ പതിവ് പൂജകളും മറ്റ് ചടങ്ങുകളും നടക്കുന്നതാണെന്ന് ക്ഷേത്രം അഡ്മിനിസ്‌ട്രേറ്റര്‍ വ്യക്തമാക്കി. ഉദയാസ്തമന പൂജ, ചുറ്റുവിളക്ക്, കൃഷ്ണനാട്ടം എന്നിവയുടെ തിയ്യതികള്‍ പിന്നീട് അറിയിക്കും.

ശബരിമല ഉത്സവത്തിന് ആചാരപരമായ ചടങ്ങുകൾ മാത്രമേ ഉണ്ടാകൂ. ഈ മാസം ആരംഭിക്കുന്ന തിരുവുല്‍സവത്തിനു തീർത്ഥാടകരെ പ്രവേശിപ്പിക്കില്ല. ഉല്‍സവത്തിന്‍റെ ഭാഗമായി പത്തു ദിവസത്തേക്കാണ് നട തുറക്കുന്നത്. ഉത്സവത്തിന്റെ ഭാഗമായി ഏപ്രില്‍ എട്ടിനു പമ്പാ തീരത്തുനടക്കുന്ന ആറാട്ടിനും തീര്‍ഥാടകര്‍ക്കു പ്രവേശനമുണ്ടാകില്ല.

Eng­lish Sum­ma­ry; covid 19: guru­vay­oor tem­ple and sabari­mala banned for pilgrims

YOU MAY ALSO LIKE THIS VIDEO