Web Desk

തിരുവനന്തപുരം

April 05, 2020, 8:52 am

കാസർകോട് അതീവ ജാഗ്രത: പ്രത്യേക മെഡിക്കൽ സംഘം ഇന്ന് പുറപ്പെടും

Janayugom Online
പ്രതീകാത്മക ചിത്രം

കോവിഡ് കേസുകൾ കൂടുതൽ റിപ്പോർട്ട് ചെയ്യപ്പെടുന്ന കാസർകോടേക്ക് പ്രത്യേക മെഡിക്കൽ സംഘം ഇന്ന് പുറപ്പെടും. ചികിത്സ നിഷേധിച്ച് കർണാടകം അതിർത്തികൾ അടച്ചത് രോഗികൾക്ക് ഏറെ ബുദ്ധിമുട്ട് സൃഷ്ട്ടിക്കുന്ന സാഹചര്യത്തിൽ മെഡിക്കൽ സംഘത്തിന്റെ സേവനം ഏറെ പ്രയോജനകരമാകും. തിരുവനന്തപുരം മെഡിക്കൽ കോളേജിൽ നിന്ന് 10 ഡോക്ടർമാരും 10 നഴ്സുമാരും 5 നഴ്സിങ് അസിസ്റ്റന്റുമാരുമടങ്ങുന്ന സംഘമാണ് പുറപ്പെടുന്നത്. മെഡിക്കൽ കോളേജ് ഡെപ്യൂട്ടി സൂപ്രണ്ട് എസ് സന്തോഷ് കുമാറാണ് സംഘത്തിന്റെ നേതൃത്വം വഹിക്കുന്നത്. ഒൻപത് മണിക്ക് ആരോഗ്യ മന്ത്രി കെ കെ ഷൈലജ മെഡിക്കൽ സംഘത്തിന്റെ യാത്ര ഫ്ലാഗ് ഓഫ് ചെയ്യും.

Eng­lish Sum­ma­ry: covid 19 Spe­cial med­ical team to kasrgod

You may also like this video