Web Desk

ന്യൂഡല്‍ഹി

April 20, 2020, 11:09 am

ആശങ്കയില്‍ രാജ്യം : കോവിഡ് ലക്ഷണങ്ങള്‍ കാണിക്കാത്തവരിലും രോഗബാധ

ലക്ഷണങ്ങളില്ലാതെ കോവിഡ് ബാധിക്കുന്നത്  20നും 45നും ഇടയില്‍ പ്രായമുള്ളവരില്‍
Janayugom Online

കോവിഡ് വ്യാപനവുമായി ബന്ധപ്പെട്ട് രാജ്യത്ത് പുതിയ ആശങ്ക ഉയരുകയാണ്. കോവിഡ് ലക്ഷണങ്ങള്‍ ഒന്നും കാണിക്കാതെ തന്നെ ആളുകള്‍ കോവിഡ് ബാധിതരാകുന്നതായാണ് റിപ്പോര്‍ട്ടുകള്‍. പത്ത് സംസ്ഥാനങ്ങളില്‍ മൂന്നില്‍ രണ്ട് രോഗികള്‍ രോഗലക്ഷണങ്ങള്‍ കാണിക്കുന്നില്ലെന്ന് ആരോഗ്യമന്ത്രാലയം വ്യക്തമാക്കുന്നു. അസാമില്‍ 82 ശതമാനം കേസുകളും ഇത്തരത്തില്‍ രോഗലക്ഷണങ്ങളില്ലാതെയാണ് കോവിഡ് സ്ഥിരീകരിച്ചത്. ഉത്തര്‍ പ്രദേശില്‍ 75 ശതമാനം, മഹാരാഷ്ട്രയില്‍ 65 ശതമാനം എന്നിങ്ങനെയാണ് ഇത്തരത്തിലുള്ള കേസുകള്‍ റിപ്പോര്‍ട്ട് ചെയ്തിരിക്കുന്നത്.

കോവിഡ് ലക്ഷണങ്ങള്‍ കാണിക്കാതെ രോഗം പിടിപെടുന്നവരില്‍ ഭൂരിഭാഗവും 20നും 45 നും ഇടയില്‍ പ്രായമുള്ളവരാണ്. ഡല്‍ഹിയില്‍ രോഗം സ്ഥിരീകരിച്ച 192 പേരും രോഗ ലക്ഷണങ്ങള്‍ കാണിച്ചിരുന്നില്ല. രാജ്യത്ത് കോവിഡ് ബാധിച്ച് മരിച്ചവരുടെ എണ്ണം 543 ആയി. രോഗബാധിതര്‍ 17,265 എന്നുമാണ് ഔദ്യോഗിക കണക്കുകള്‍ . കഴിഞ്ഞ 24 മണിക്കൂറിനിടെ രാജ്യത്ത് 36 പേര്‍ മരിച്ചു.

Eng­lish Sum­ma­ry: covid-19 symp­toms not show in some pos­i­tive cases

You may also like this video