Web Desk

ടോക്യോ

July 17, 2021, 10:43 am

ടോക്യോ ഒളിംപിക്സ് വില്ലേജിൽ കോവിഡ്: ആദ്യ കേസ് സ്ഥിരീകരിച്ചതോടെ ആശങ്ക

Janayugom Online

ടോക്യോ ഒളിംപിക്സ് വില്ലേജിൽ കോവിഡ് കേസ് സ്ഥിരീകരിച്ചു. ഒളിംപിക്സിന് തിരി തെളിയാൻ 6 ദിവസം മാത്രം മുൻപിൽ നിൽക്കവെയാണ് ആശങ്ക ഉയരുന്നത്. വിദേശത്ത് നിന്ന് എത്തിയ ഒഫീഷ്യലിനാണ് രോഗബാധ. എന്നാൽ ഇയാളുടെ പേരുവിവരങ്ങൾ പുറത്തുവിട്ടിട്ടില്ല.
ഒളിംപിക് വില്ലേജിന് പുറത്ത് ഹോട്ടലിലാണ് കോവിഡ് പോസിറ്റീവായ വ്യക്തിയെ താമസിപ്പിച്ചിരിക്കുന്നത്. കോവിഡ് പ്രതിരോധത്തിനായി എല്ലാ മുൻകരുതലുകളും സ്വീകരിച്ചിട്ടുണ്ടെന്നും കൂടുതൽ കേസുകൾ റിപ്പോർട്ട് ചെയ്താൽ സ്വീകരിക്കേണ്ട നടപടിയെ കുറിച്ച് വ്യക്തമായ പദ്ധതികൾ തയ്യാറാക്കിയിട്ടുണ്ടെന്നും സംഘാടകർ പറയുന്നു.
ഈ മാസം 23നാണ് ഒളിംപിക്സിന് തുടക്കം. ടോക്യോയിൽ ആരോഗ്യ അടിയന്തരാവസ്ഥ പ്രഖ്യാപിച്ചിട്ടുണ്ട്. ഇതിനിടയിലാണ് ഒളിംപിക്സ് നടക്കുന്നത്. കാണികൾക്ക് പ്രവേശനമില്ല. 228 അംഗ ഇന്ത്യൻ സംഘമാണ് ടോക്യോ ഒളിംപിക്സിന്റെ ഭാ​ഗമാവുന്നത്. ഇവരിൽ 119 കായികതാരങ്ങളും 109 ഒഫീഷ്യൽസും ഉൾപ്പെട്ടിരിക്കുന്നു.

Eng­lish sum­ma­ry; covid at the Tokyo Olympics Village:

you may also like this video;