കോവിഡ് മാത്രമല്ല സംസ്ഥാനത്തെ ക്രമസമാധാന നിലയാകെ തകർന്നിരിക്കുകയാണ്

ഉത്തർപ്രദേശിൽ കോവിഡ് ടെസ്റ്റുകൾ നടത്തുന്നില്ലെന്നും യഥാർത്ഥ കണക്കുകൾ എത്രയാണെന്നുള്ള ഒരു വിവരവും ആർക്കും ഇല്ലെന്നും സമാജ് വാദി അധ്യക്ഷൻ അഖിലേഷ് യാദവ്.
സംസ്ഥാനത്തെ നിലവിലെ കോവിഡ് സാഹചര്യം എന്താണെന്ന് പോലും അറിയാത്ത അവസ്ഥയാണെന്നും ഇത് എങ്ങനെയാണ് ഇത്തരത്തിൽ അനുവദിക്കപ്പെടുന്നതെന്നും അഖിലേഷ് യാദവ് ചോദിച്ചു.
കോവിഡ് മാത്രമല്ല സംസ്ഥാനത്തെ ക്രമസമാധാന നില ആകെ തകർന്നിരിക്കുകയാണ്. കോവിഡിൽ ടെസ്റ്റുകളൊന്നും ഇപ്പോൾ നടക്കുന്നില്ല.

എന്താണ് സംസ്ഥാനത്തിന്റെ നിലവിലെ അവസ്ഥയെന്ന് ആർക്കും അറിയില്ല. കോവിഡ് അതിന്റെ ഏറ്റവും ഗുരുതരമായ അവസ്ഥയിലാണോ എന്ന് പോലും അറിയാൻ സാധിക്കുന്നില്ല. അങ്ങനെയാണെങ്കിൽ എങ്ങനെയാണ് സംസ്ഥാനം അതിനെ നേരിടുന്നതെന്ന് സർക്കാർ പറയണം’ അഖിലേഷ് പറഞ്ഞു.
ഗുജറാത്തും ഉത്തർപ്രദേശും കോവിഡിന്റെ യഥാർത്ഥ കണക്കുകളല്ല പുറത്തുവിടുന്നതെന്ന ആരോപണങ്ങൾ പ്രതിപക്ഷം ഉയർത്തിയിരുന്നു.

Eng­lish sum­ma­ry; Covid test are not doing in utharpradesh

You may also like this video;