രാജ്യത്ത് കോവിഡ് രോഗവ്യാപനം വീണ്ടും ആശങ്ക ഉയര്‍ത്തുന്നു. ഡല്‍ഹിയിലും കോവിഡ് രോഗികളുടെ എണ്ണം വര്‍ധിച്ച് വരികയാണ്. തുടർച്ചയായ രണ്ടാം ദിവസവും അഞ്ഞൂറിലേറെ കേസുകൾ റിപ്പോർട്ട് ചെയ്തു. ഇന്നലെ 501 കേസുകളാണ് പുതുതായി രേഖപ്പെടുത്തിയത്. ഞായറാഴ്ച 517 കേസുകളും. പോസിറ്റിവിറ്റി നിരക്ക് തിങ്കളാഴ്ച 7.72 ശതമാനമായി ഉയർന്നു. ഞായറാഴ്ച 4.21 ശതമാനം ആയിരുന്നു പോസിറ്റീവിറ്റി നിരക്ക്.
പുതിയ കേസുകളോടെ അടിസിസ്ഥാനത്തില്‍ നഗരത്തില്‍ 18,69,051 ആയി ഉയർന്നു. അതേസമയം ഇതുവരെയുള്ള മരണസംഖ്യ 26,160 ആണ്. ഡൽഹിയിൽ ശനിയാഴ്ച 461 കോവിഡ് കേസുകളും രണ്ട് മരണങ്ങളും റിപ്പോർട്ട് ചെയ്തിരുന്നു. പോസിറ്റീവിറ്റി നിരക്ക് 5.33 ശതമാനമായിരുന്നു. 6,492 കോവിഡ് ടെസ്റ്റുകളാണ് തിങ്കളാഴ്ച നടത്തിയത്. 1,188 കോവിഡ് രോഗികൾ സംസ്ഥാനത്ത് വീടുകളിൽ നിരീക്ഷണത്തിലാണ്.
English Summary:Covid updates in india 19-04-2022
You may also like this video
