Friday
06 Dec 2019

ദൈവത്തിന്റെ ഡൈ (കവിത)

By: Web Desk | Sunday 18 August 2019 6:00 AM IST


ദൈവത്തിന്റെ ഡൈ
അനില്‍ നീണ്ടകര

ഇനി നമുക്കും
നാണിക്കാതെ കറുപ്പിക്കാം.

നമ്മള്‍ തൊഴുതുനിന്ന
ആള്‍ദൈവങ്ങള്‍ രണ്ടും
ഇതാ നരമാഞ്ഞ് ചെറുപ്പമായി!

പാലാഴിയിലെ
അമൃത് ഭക്ഷിച്ചതല്ല,
ഫിലാഡെല്‍ഫിയയില്‍ നിന്ന്
സുരാസുരന്മാര്‍
ഒന്നിച്ചു കൊണ്ടുവന്ന
നിറക്കൂട്ടു ചാര്‍ത്തി.

‘ജിതേന്ദ്രിയ’രെങ്കിലും ഭയമാണ്,
വാര്‍ദ്ധക്യത്തെ,
മരണത്തെ,
സൗന്ദര്യക്കുറവിനെ .

വെളുത്ത മുടിയിഴകളില്‍
കറുത്ത സോക്‌സിട്ട്*
ശിഷ്ടകാലം നമുക്കും
കുട്ടികളാകണം.

…………………………………….
*കല്പറ്റയ്ക്ക് ഒരു മറുവാക്ക്.
‘വെള്ള സോക്‌സിട്ട മുടിനാരുകള്‍’ എന്ന് കല്പറ്റ.