June 29, 2022 Wednesday

Latest News

June 29, 2022
June 29, 2022
June 28, 2022
June 28, 2022
June 28, 2022
June 28, 2022
June 28, 2022
June 28, 2022
June 28, 2022
June 28, 2022

ഡാലസ് കേരള അസോസിയേഷന്‍ ടാക്‌സ് സെമിനാര്‍ നടത്തി

By Janayugom Webdesk
January 20, 2020

കേരള അസോസിയേഷന്‍ ഓഫ് ഡാലസ് ഇന്ത്യ കള്‍ച്ചറല്‍ ആന്റ് എജ്യൂക്കേഷന്‍ സെന്ററും സംയുക്തമായി ജനുവരി 18 ശനിയാഴ്ച നടത്തിയ ടാക്‌സ് സെമിനാര്‍ വിജ്ഞാനപ്രദമായി. ഡാളസ് ഫോട്ടവര്‍ത്ത് മെട്രോ പ്ലെക്‌സില്‍ നിന്നും നിരവധി പേര്‍ സെമിനാറില്‍ പങ്കെടുത്തു.

കേരള അസോസിയേഷന്‍ കോണ്‍ഫറന്‍സ് ഹാളില്‍ വൈകുന്നേരം മൂന്നുമണിക്ക് ചേര്‍ന്ന യോഗത്തില്‍ ഐസിഇസി പ്രസിഡന്റ് ഡാനിയേല്‍ കുന്നേല്‍ അധ്യക്ഷത വഹിച്ചു. അമേരിക്കന്‍ സെനറ്റ് അംഗീകരിച്ച്, പ്രസിഡന്റ് ട്രംപ് ഒപ്പിട്ടു നിയമമാക്കിയ ടാക്‌സ് റൂളിന്റെ വിശദാംശങ്ങള്‍ ഡാലസിലെ ഓഡിറ്റര്‍ ഹരിപിള്ള (സിപിഎ) സെമിനാറില്‍ വിശദീകരിച്ചു.

ഈവര്‍ഷം പ്രാബാല്യത്തില്‍ വരുന്ന പുതിയ ടാക്‌സ് റൂള്‍ പൊതുവെ നികുതിദായകര്‍ക്ക് ഗുണം ചെയ്യുമെന്നും ഒബാമ കെയറില്‍ ഹെല്‍ത്ത് ഇന്‍ഷുറന്‍സ് എടുക്കാത്തവര്‍ക്ക് ഏര്‍പ്പെടുത്തിയിരുന്ന ഫൈന്‍ ഒഴിവാക്കിയിട്ടുണ്ടെന്നും ഹരിപിള്ള പറഞ്ഞു. വിദേശ വരുമാനം എങ്ങനെ റിപ്പോര്‍ട്ട് ചെയ്യണമെന്നും ഗിഫ്റ്റ് ആന്റ് ഇന്‍ഹെറിറ്റന്‍സ് തുടങ്ങിയ വിഷയങ്ങളില്‍ പങ്കെടുത്തവര്‍ക്കുണ്ടായിരുന്ന സംശയങ്ങള്‍ക്കും ഹരിപിള്ള മറുപടി നല്‍കി.

ചര്‍ച്ചയില്‍ അസോസിയേഷന്‍ ജനറല്‍ സെക്രട്ടറി പ്രദീപ് നാഗനൂലില്‍, ദീപക് നായര്‍, ഷിബു ജയിംസ്, ജോയ് ആന്റണി, പീറ്റര്‍ നെറ്റോ, അനശ്വര മാമ്പിള്ളി, ഫ്രാന്‍സിസ് തോട്ടത്തില്‍, രാജന്‍ ഐസക്, ജെ. പി. ജോണ്‍, രാജന്‍ ചിറ്റാര്‍, സുരേഷ് അച്ച്യുതന്‍, കോശി പണിക്കര്‍ തുടങ്ങിയവര്‍ പങ്കെടുത്തു. ജോര്‍ജ് ജോസഫ് വിലങ്ങോലില്‍ നന്ദി പറഞ്ഞു.

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.