മകൾ ഭര്‍ത്താവിന്റെ സഹോദരനൊപ്പം ഒളിച്ചോടി; അച്ഛൻ മരുമകന്റെ മറ്റൊരു സഹോദരനടക്കം രണ്ടു പേരെ കോടാലി കൊണ്ട് വെട്ടി കൊലപ്പെടുത്തി

വിവാഹിതയായ മകൾ ഭര്‍ത്താവിന്റെ സഹോദരനൊപ്പം ഒളിച്ചോടിപ്പോയി വിവാഹം കഴിച്ചതിന്റെ വൈരാഗ്യത്തിൽ അച്ഛൻ രണ്ടു പേരെ വെട്ടി കൊലപ്പെടുത്തി. തിങ്കളാഴ്ച രാത്രി ജുൻജുനു ജില്ലയിലാണ് സംഭവം നടന്നത്. അനിൽ ജാട്ട് എന്നയാളാണ് യുവതി വിവാഹം ചെയ്ത ആളുടെ സഹോദരനെയും സുഹൃത്തിനെയും വെട്ടികൊലപ്പെടുത്തിയത്.

ദീപക് കുമാർ(20), സുഹൃത്ത് നരേഷ് കുമാർ(19) എന്നിവരാണ് കൊല്ലപ്പെട്ടത്. തിങ്കളാഴ്ച രാത്രി ദീപകിന്റെ വീടിന്റെ ടെറസിൽ ഉറങ്ങുകയായിരുന്ന ഇരുവരേയും അനിൽ കോടാലികൊണ്ട് വെട്ടി കൊലപ്പെടുത്തുകയായിരുന്നു. പുലർച്ചെ നാല് മണിക്ക് ദീപകിന്റെ പിതാവ് രാജ്‌വീർ ആണ് ആദ്യം മൃതദേഹങ്ങൾ കണ്ടത്.

ഹരിയാനയിലെ മഹേന്ദ്ര ജില്ല സ്വദേശിനിയായ യുവതിയെ ബുഹാന ടൗണിലെ ലാലാമണ്ഡിയിലേക്കാണ് വിവാഹം കഴിച്ചയച്ചിരുന്നത്. എന്നാൽ ജൂൺ രണ്ടിന് ഇവർ രാജ്‌വീറിന്റെ മറ്റൊരു മകനായ കൃഷ്ണയോടൊപ്പം ഒളിച്ചോടുകയായിരുന്നു. സംഭവത്തിനു ശേഷം ഇരു കുടുംബങ്ങളും തമ്മിൽ കലഹങ്ങൾ ഉണ്ടായിരുന്നതായി പൊലീസ് പറഞ്ഞു.

you may also like this video;