ഗുലാബ് ചുഴലിക്കാറ്റില് മരണം മൂന്നായി. ഒഡീഷയില് വീട് ഇടഞ്ഞ് വീണ് 46 കാരന് മരിച്ചു.
ആന്ധ്രയുടെ വടക്കന് ജില്ലകളില് കനത്ത മഴ തുടരുകയാണ്. കൊങ്കണ് മേഖലയിലും ശക്തമായ മഴയുണ്ട്.
ഗുലാബ് ചുഴലിക്കാറ്റിന്റെ സ്വാധീനത്തില് കേരളത്തിലും പരക്കെ മഴയാണ്. കണ്ണൂര്,വയനാട്,കോഴിക്കോട്, മലപ്പുറം ‚പാലക്കാട്,ഇടുക്കി ജില്ലകളില് ശക്തമായ മഴയ്ക്ക് സാധ്യതയുള്ളതിനാല് യെല്ലോ അലേര്ട്ട് പ്രഖ്യാപിച്ചിട്ടുണ്ട്. കാസര്കോഡ് ‚കണ്ണൂര് ജില്ലകളില് നാളെയും മുന്നറിയിപ്പുണ്ട്. കേരളം ലക്ഷദ്വീപ് തീരങ്ങളില് മല്സ്യബന്ധനത്തിന് പോകരുതെന്ന നിര്ദേശവും ഉണ്ട്.
ഗുലാബ് ചുഴലിക്കാറ്റ് കഴിഞ്ഞ ദിവസം രാത്രിയോടെയാണ് ഒഡീഷ ആന്ധ്ര തീരം തൊട്ടത്. അതേസമയം പസഫിക് സമുദ്രത്തില് ശക്തമായി തുടരുന്ന മിണ്ടുല്ലെ ചുഴലിക്കാറ്റ് ദുര്ബലമായി ബംഗാള് ഉള്ക്കടലില് പ്രവേശിച്ച് വീണ്ടും ന്യൂന മര്ദത്തിന് സാധ്യത ഉണ്ടെന്ന് കാലാവസ്ഥ വിദഗ്ധരുടെ മുന്നറിയിപ്പുണ്ട്.
ഗഞ്ജം ഉള്പ്പെടെ ഒഡീഷയുടെ തെക്കന് ജില്ലകളെയാണ് ഗുലാബ് ചുഴലിക്കാറ്റ് ഏറ്റവും അധികം ബാധിക്കുക. ആന്ധ്രാ പ്രദേശ് , ഒഡീഷ സംസ്ഥാനങ്ങളിലൂടെ കടന്നുപോകുന്ന നാല് ട്രെയിനുകള് റദ്ദാക്കിയിട്ടുണ്ട്. രണ്ട് ട്രെയിനുകളുടെ സമയം പുനക്രകമീകരിച്ചു. 14 ട്രെയിനുകള് വഴി തിരിച്ചുവിട്ടതായും ദക്ഷിണ റെയില്വേ അറിയിച്ചു.
English Summary : death toll rises to 3 in gulab cyclone
You may also like this video :
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.