ചില രേഖകൾ കൈമാറുന്നതിൽ തിഹാർ ജയിൽ അധികൃതർ കാലതാമസമുണ്ടാക്കുന്നുവെന്ന് ആരോപിച്ച് നിർഭയ കേസിലെ രണ്ട് പ്രതികൾ കോടതിയെ സമീപിച്ചു. അക്ഷയ്കുമാർ സിങ്(31), പവൻസിങ്(25) എന്നിവർക്ക് ശിക്ഷയിൽ ഇളവ് തേടി ഹർജി നൽകുന്നതിന് ആവശ്യമായ രേഖകൾ നൽകുന്നതിൽ വീഴ്ച വരുത്തി എന്നാണ് ഇവരുടെ ആരോപണം.
അഭിഭാഷകനായ എ പി സിങാണ് തൂക്കുമരം കാത്ത് കഴിയുന്ന പ്രതികൾക്ക് വേണ്ടി ഹർജി നൽകിയിരിക്കുന്നത്. ഹർജി നാളെ പരിഗണിക്കും. രണ്ട് പ്രതികളുടെ ഇളവ് ആവശ്യപ്പെട്ടുള്ള ഹർജി നേരത്തെ പരമോന്നത കോടതി തള്ളിയിരുന്നു. വിനയ് കുമാർ ശർമ്മ(26), മുകേഷ് സിങ്(25) എന്നിവരുടെ ഹർജികളാണ് കോടതി നേരത്തെ തള്ളിയത്. നിലവിലുള്ള കോടതി നിർദ്ദേശപ്രകാരം അടുത്തമാസം ഒന്നിന് ആറുമണിക്കാണ് നാല് പ്രതികളെയും തൂക്കിക്കൊല്ലുക.
English summary: Delays in producing documents: Nirbhaya case suspects
YOU MAY ALSO LIKE THIS VIDEO
