Web Desk

March 03, 2020, 1:52 pm

ഡൽഹി സംഘർഷത്തിനിടെ പൊലീസിനും പ്രതിഷേധക്കാർക്കും നേരെ വെടിയുതിർത്ത യുവാവ് അറസ്റ്റിൽ

Janayugom Online

ജാഫാറാബാദില്‍ പൗരത്വ നിയമ ഭേദഗതിയെ അനുകൂലിക്കുന്നവരും എതിര്‍ക്കുന്നവരും തമ്മിലുണ്ടായ സംഘര്‍ഷത്തിനിടെ പൊലീസിന് നേരെ വെടിയുതിര്‍ത്ത ഷാരൂഖ് എന്ന 33 കാരൻ അറസ്റ്റിൽ. ഇയാൾ യുപി സ്വദേശിയാണ്.ഡൽഹി പൊലീസ് ക്രൈംബ്രാഞ്ച് ആണ് ഈ വിവരം പുറത്തു വിട്ടത്. ഫെബ്രുവരി 24നാണ് ഇയാൾ പൊലീസിനും പ്രതിഷേധക്കാർക്കും നേരെ വെടിയുതിർത്തത്.

ഇയാൾ പൊലീസിന് നേരെ തോക്ക് ചൂണ്ടുകയും സമരക്കാർക്ക് നേരെ വെടി ഉതിർക്കുകയും ചെയ്യുന്നതിന്റെ ദൃശ്യങ്ങൾ പുറത്തു വന്നിരുന്നു. തോക്കു ചൂണ്ടി വന്ന അക്രമി സ്ഥലത്തുണ്ടായിരുന്ന ഹെഡ് കോൺസ്റ്റബിൾ ദീപക് ദഹിയയുടെ നെറ്റിയിൽ തോക്കിന്റെ ബാരൽ അമർത്തി ഉടൻ സ്ഥലം വിട്ടില്ലെങ്കിൽ നിന്നെയും കൊല്ലുമെന്നു ഭീഷണിമുഴക്കി.

തുടർന്ന് ജനക്കൂട്ടത്തെ ലക്ഷ്യമാക്കി ബാരിക്കേടിനു മുകളിലൂടെ കയ്യിട്ടുകൊണ്ട് ഇയാൾ എട്ട് റൗണ്ട് വെടിയുതിർക്കുകയായിരുന്നു. സംഭവശേഷം ഇയാളും കുടുംബവും ഒളിവിലായിരുന്നു. എന്നാല്‍, ഇയാളുടെ വീട്ടില്‍ പൊലീസ് നടത്തിയ തെരച്ചലില്‍ തീവ്രവാദ സ്വഭാവമുള്ള ലേഖനങ്ങള്‍ കണ്ടെത്തിയതായി ഉന്നത പൊലീസ് ഉദ്യോഗസ്ഥര്‍ വ്യക്തമാക്കി.

Eng­lish Sum­ma­ry: Del­hi riot- arrest­ed the man who point­ed gun to unarmed police man

You may also like this video