Web Desk

February 26, 2020, 9:51 am

ഡൽഹി കലാപം;അർധരാത്രി വാദം കേട്ട് കോടതി

Janayugom Online

രാജ്യതലസ്ഥാനത്തെ കലാപങ്ങളുടെ പശ്ചാത്തലത്തിൽ അടിയന്തരമായി അർദ്ധരാത്രി തുറന്ന് ഹർജി പരിഗണിച്ച് ഡൽഹി ഹൈക്കോടതി. ഡൽഹിയിലെമ്പാടും കലാപങ്ങളിൽ പരിക്കേകുന്നവർക്ക് ചികിത്സ കിട്ടാൻ ഒരു വഴിയുമില്ലെന്നും അടിയന്തരാമയി ഇടപെടണമെന്നും ആവശ്യപ്പെട്ടായിരുന്നു ഹർജി. രാത്രി കോടതി തുറക്കാൻ നിർവാഹമില്ലാത്തതിനാൽ, ഡൽഹി ഹൈക്കോടതി ജഡ്‌ജി ജസ്റ്റിസ് എസ് മുരളിധറിന്റെ വീട്ടിൽ വച്ചാണ്കോടതി വാദം കേട്ടത്. അടിയന്തരമായി ചികിത്സ ഉറപ്പാക്കണമെന്നും ഉച്ചയോടെ ഡൽഹിയിലെ തത്സമയ വിവര റിപ്പോർട്ട് സമർപ്പിക്കണമെന്നും കോടതി ഡൽഹി പൊലീസിന് കർശന നിർദേശം നൽകി.

ദേശീയ സുരക്ഷാ ഉപദേഷ്ടാവ് അജിത് ഡോവൽ സഘർഷ മേഖലയിൽ നേരിട്ടെത്തി സ്ഥിതി വിലയിരുത്തി. ഗോകുൽപുരി, ഭജനപുര ചൗക്ക്, മൗജ്പൂർ എന്നിവിടങ്ങളിലാണ് സംഘർഷം രൂക്ഷമായിരിക്കുന്നത്. നൂറുകണക്കിന് കടകളും വാഹനങ്ങളും കലാപകാരികൾ കത്തിച്ചു. അക്രമികളെ കണ്ടാൽ ഉടനെ വെടിവെയ്ക്കാൻ പൊലീസിന് നിർദേശം നൽകിയിട്ടുണ്ട്. കേന്ദ്ര ആഭ്യന്തര മന്ത്രി അമിത് ഷാ ഇന്ന് നടത്താനിരുന്ന കേരള സന്ദർശനം റദ്ധാക്കി. സംഘർഷങ്ങളുടെ പശ്ചാത്തലത്തിലാണ് തീരുമാനം.

ENGLISH SUMMARY: Del­hi riots mid­night hear­ing in the high court

YOU MAY ALSO LIKE THIS VIDEO