ഡൽഹി കലാപവുമായി ബന്ധപ്പെട്ട കേസുകളുടെ ശരിയായ അന്വേഷണം ഉറപ്പാക്കാൻ സൂപ്പർവൈസറി ടീമുകൾ രൂപീകരിച്ചതായി ഡെപ്യൂട്ടി പൊലീസ് കമ്മിഷണർ മറ്റ് ഉദ്യോഗസ്ഥർക്ക് കത്തയച്ചു. കലാപക്കേസുകളിൽ തീർപ്പുകൽപ്പിക്കാത്ത അന്വേഷണം സമഗ്രമായി അവലോകനം ചെയ്യാനുള്ള ഉത്തരവാദിത്തം ഈ ടീമുകൾക്കാണെന്നും കമ്മിഷണർ വ്യക്തമാക്കി.
രേഖകളിൽ ലഭ്യമായ ശാസ്ത്രീയവും സാങ്കേതികവുമായ തെളിവുകളുടെ വിശകലനത്തിനും, സാങ്കേതിക സംഘങ്ങളുടെ സഹായത്തോടെയും പിന്തുണയോടെയും അത്തരം കൂടുതൽ തെളിവുകൾ ശേഖരിക്കുന്നതിനും, അന്വേഷണ ഉദ്യോഗസ്ഥരെ നയിക്കുന്നതിനും പ്രത്യേക ഊന്നൽ നൽകുമെന്നും കത്തിൽ വ്യക്തമാക്കി. കോൾ വിശദാംശ രേഖകൾ കണ്ടെത്തുന്നതിനും സിസിടിവി ദൃശ്യങ്ങള്‍ പരിശോധിക്കുന്നതിനുംവേണ്ടി ഡിസിപിയുടെ ഓഫീസ് സമുച്ചയത്തിൽ പ്രത്യേക ടീമുകൾ രൂപീകരിച്ചിട്ടുള്ളതായി ഉദ്യോഗസ്ഥർ അറിയിച്ചു. കൂടാതെ, സംഭവസ്ഥലം സന്ദർശിച്ച ജില്ലാ ഫോറൻസിക്, ക്രൈം ടീമുകളുടെ റിപ്പോർട്ടുകളും പൊലീസ് സ്റ്റേഷനുകളിൽ ലഭ്യമാക്കിയിട്ടുണ്ട്.
വെള്ളിയാഴ്ചയോടെ അന്വേഷണം പൂർത്തിയാക്കേണ്ടതുണ്ടെന്നും കത്തിൽ പറയുന്നു. ഡൽഹി കലാപത്തെക്കുറിച്ച് അന്വേഷിക്കുന്നതിൽ പൊലീസ് കാണിക്കുന്ന ഉദാസീനതക്കെതിരെ ഡൽഹി കോടതി കടുത്ത വിമര്‍ശനവുമായി രംഗത്തെത്തിയിരുന്നു. കേസുകളിലെ നടപടികള്‍ പൂര്‍ത്തിയാക്കാന്‍ കൃത്യമായ നടപടികള്‍ ഡല്‍ഹി പൊലീസ് സ്വീകരിക്കുന്നില്ലെന്നും കോടതി വിമര്‍ശിച്ചിരുന്നു. കലാപവുമായി ബന്ധപ്പെട്ട കേസുകള്‍ സ്വയം പരിശോധിച്ച് നടപടികള്‍ സ്വീകരിക്കാന്‍ കോടതി പൊലീസ് കമ്മിഷണര്‍ക്ക് നിര്‍ദ്ദേശം നല്‍കി. നിര്‍ദ്ദേശങ്ങള്‍ അനുസരിക്കുന്നതില്‍ പരാജപ്പെട്ടാല്‍ പൊലീസിനെതിരെ ഉത്തരവ് പുറപ്പെടുവിക്കുമെന്നും ചീഫ് മെട്രോപൊളിറ്റന്‍ മജിസ്ട്രേറ്റ് അരുണ്‍ കുമാര്‍ ഗാര്‍ഗ് മുന്നറിയിപ്പ് നല്‍കിയതിനു പിന്നാലെയാണ് സൂപ്പർവൈസറി ടീമുകളുടെ രൂപീകരണം .
English summary: Delhi riots: Supervisory teams to ensure proper investigation
you may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.