കൊറോണ; അപകീർത്തികരമായി വാർത്ത പ്രചരിപ്പിച്ച ഡോ. ഷിനു ശ്യാമളനെതിരെ ആരോഗ്യ വകുപ്പ്- വീഡിയോ

ആരോഗ്യപ്രവര്‍ത്തകരെ മോശമായി ചിത്രീകരിക്കുകയും കൊറോണ വൈറസ് ബാധ സംബന്ധിച്ച് അപകീർത്തികരമായി വാർത്ത പ്രചരിപ്പിക്കുകയും ചെയ്ത ഡോ ഷിനു ശ്യാമളനെതിരെ നിയമന നടപടി സ്വീകരിക്കുമെന്ന് തൃശ്ശൂർ ഡിഎംഒ ഓഫീസ്. ആരോഗ്യപ്രവര്‍ത്തകരെ മോശമായി ചിത്രീകരിക്കുന്നത് പബ്ലിസിറ്റിക്കുവേണ്ടിയാണെന്നും ഡിഎംഒ ഓഫീസ് വൃത്തങ്ങള്‍ പറഞ്ഞു.

ഖത്തറില്‍ നിന്ന് നാട്ടിലെത്തിയ വ്യക്തി കൊറോണ ലക്ഷണങ്ങളുമായി ചികിത്സയ്ക്ക് എത്തിയത് ആരോഗ്യവകുപ്പിനെ അറിയിച്ചിട്ടും അവര്‍ വേണ്ട നടപടി കൈക്കൊണ്ടില്ലെന്നായിരുന്നു ഷിനുവിന്റെ ആരോപണം. ഈ വ്യക്തി അടുത്ത ദിവസം രാവിലെ ഖത്തറിലേക്ക് മടങ്ങിപ്പോയെന്നും ഷിനു ഫേസ്ബുക്ക് പോസ്റ്റിലൂടെ പറ‌ഞ്ഞിരുന്നു.

എന്നാൽ ഷിനു പറഞ്ഞ രോഗി നേരത്തെ തന്നെ നിരീക്ഷണത്തിലുള്ള ആളായിരുന്നെന്നാണ് ഡിഎംഒ ഓഫീസ് പറയുന്നത്.  ഇതേത്തുടര്‍ന്ന് ഷിനു ശ്യാമളനെ ആശുപത്രി അധികൃതര്‍ ജോലിയില്‍ നിന്ന് പിരിച്ചുവിട്ടിരുന്നു.

കൊറോണ ലക്ഷണമുള്ള വ്യക്തിയെ കണ്ടപ്പോള്‍ ആരോഗ്യവകുപ്പിനെയും പൊലീസിനെയും അറിയിക്കുകയും അത് ഫേസ്ബുക്കില്‍ പോസ്റ്റ് ചെയ്യുകയും ചെയ്തതിനാണ് തന്നെ പിരിച്ചുവിട്ടതെന്ന ആരോപണവുമായി ഷിനു രംഗത്തെത്തിയിരുന്നു. ഇത് വലിയ ചർച്ചയാകുകയും ചെയ്തിരുന്നു.

https://www.facebook.com/Shinuz/videos/10219047821724450/?t=97
Eng­lish Sum­ma­ry: Depart­ment of Health against Shinu Shya­malan for defam­a­to­ry news.

you may also like this video;