Web Desk

March 16, 2020, 8:49 am

ദേവനന്ദയുടെ മരണം; ദുരൂഹത ആവർത്തിച്ച് അച്ഛനും അമ്മയും

Janayugom Online

കൊല്ലത്ത് ഏഴു വയസുകാരി ദേവനന്ദ ഇത്തിക്കര ആറ്റിൽ മുങ്ങി മരിച്ചതാണെന്ന ഫോറൻസിക് റിപ്പോർട്ട് തള്ളി ബന്ധുക്കൾ. ദേവനന്ദയുടെ മരണത്തിൽ ദുരൂഹതയുണ്ടെന്ന് ആവർത്തിച്ച് അച്ഛനും അമ്മയും രംഗത്ത് വന്നു. ദേവനന്ദയുടെ മരണത്തിൽ അന്വേഷണം പുരോഗമിക്കുയാണ്. കുട്ടിയെ കാണാതായത് മുതൽ മരണം വരെയുള്ള കാര്യങ്ങളിൽ അച്ഛനും അമ്മയ്ക്കും ബന്ധുക്കൾക്കും സംശയം നിലനിൽക്കുന്നു. മരണത്തിൽ ബന്ധുക്കൾക്ക് ഒപ്പം നാട്ടുകാരും സംശയം ഉന്നയിക്കുന്നു. ഈ സാഹചര്യത്തിൽ അന്വേഷണവുമായി മുന്നോട്ടു പോകാനാണ് പൊലീസ് തീരുമാനം.

കുട്ടി വീടുവിട്ടു പോകാറില്ലെന്ന് അച്ഛനും അമ്മയും ഉറപ്പിച്ചു പറയുന്നു. പുഴയിൽ വീഴാനുള്ള സാധ്യതകളും ഇവർ തള്ളിക്കളയുന്നു. ഫോറൻസിക് റിപ്പോർട്ടിൽ ദേവനന്ദയുടെ മരണം സ്വാഭാവികമെന്ന് റിപോർട്ട് ചെയ്തതിനാൽ ബന്ധുക്കൾ രണ്ടു ദിവസത്തിനുള്ളിൽ അന്വേഷണ ഉദ്യോഗസ്ഥനെ കാണും. സംശയമുള്ള ചില മൊബൈൽ നമ്പറുകളും നാട്ടുകാരുടെ മൊഴിയെയും അടിസ്ഥപ്പെടുത്തിയാണ് പൊലീസ് അന്വേഷണം നടത്തുന്നത്.

ENGLISH SUMMARY: devand­ha death fol­low up case

YOU MAY ALSO LIKE THIS VIDEO