June 30, 2022 Thursday

Latest News

June 30, 2022
June 30, 2022
June 30, 2022
June 30, 2022
June 30, 2022
June 30, 2022
June 30, 2022
June 30, 2022
June 30, 2022
June 30, 2022

സുരക്ഷയൊരുക്കാൻ ഹിന്ദു പൊലീസ് വേണമെന്ന ദേവസ്വം അസിസ്‌റ്റന്റ്‌ കമ്മീഷണറുടെ കത്ത് പിൻവലിച്ചു

By Janayugom Webdesk
January 25, 2020

ക്ഷേത്രത്തിലെ ഉത്സവത്തിനായി ഹിന്ദു പൊലീസുകാരെ വിട്ടുനൽകണമെന്നാവശ്യപ്പെട്ട്‌ ദേവസ്വം അസിസ്‌റ്റന്റ്‌ കമ്മീഷണർ നൽകിയ കത്ത്‌ ദേവസ്വം മന്ത്രിയുടെ നിർദേശത്തെതുടർന്ന്‌ പിൻവലിച്ചു. വൈറ്റില ശിവ സുബ്രഹ്‌മണ്യ സ്വാമി ക്ഷേത്രത്തിലെ ഉത്സവത്തിന്‌ പൊലീസുകാരെ നിയോഗിക്കണമെന്നാവശ്യപ്പെട്ട്‌ 23ന്‌ കൊച്ചി ദേവസ്വം ബോർഡ്‌ അസിസ്‌റ്റന്റ്‌ കമ്മീഷണറാണ്‌ സിറ്റി പൊലീസ്‌ കമ്മീഷണർക്ക്‌ കത്ത്‌ നൽകിയത്‌.പൊലീസ്‌ സേനയെ ജാതി മത വേർതിരിവോടെ ജോലിക്ക്‌ നിയോഗിക്കുന്ന നടപടികൾ അവസാനിപ്പിക്കണമെന്നാവശ്യപ്പെട്ട്‌ കേരള പൊലീസ്‌ അസോസിയേഷൻ സംസ്ഥാന കമ്മിറ്റി മന്ത്രി കടകംപിള്ളി സുരേന്ദ്രന്‌ നിവേദനം നൽകിയിരുന്നു. തുടർന്ന്‌ മന്ത്രിയുടെ നിർദേശ പ്രകാരം കത്ത്‌ പിൻവലിക്കുകയും പുതിയ അപേക്ഷ നൽകുകയുമായിരുന്നു.

രാജ്യത്തെ സേനാ വിഭാഗങ്ങൾക്ക്‌ മാതൃകയായ കേരള പൊലീസ്‌ സേനയെ മതത്തിന്റെ പേരിൽ വേർതിരിച്ച്‌ ജോലിക്ക്‌ നിയോഗിക്കണമെന്ന അപേക്ഷകൾ പരിഗണിക്കരുതെന്ന്‌ പൊലീസ്‌ അസോസിയേഷൻ ജില്ലാ കമ്മിറ്റി കൊച്ചി സിറ്റി പൊലീസ്‌ കമ്മീഷണറോട്‌ ആവശ്യപ്പെട്ടിരുന്നു.
ഫെബ്രുവരി രണ്ടിനാണ്‌ ക്ഷേത്രത്തിലെ ഉത്സവം. ക്ഷേത്ത്രിന്‌ മുൻവശം മൊബിലിറ്റി ഹബ്‌ വന്നതിനാൽ ഗതാഗത തടസ്സം ഒഴിവാക്കാനും കാവടി ഘോഷയാത്രകൾ നടക്കുന്നതിനാൽ ക്രമസമാധാനം പാലിക്കാുൻ ആവശ്യമായ ഹിന്ദു പൊലീസ്‌, വനിത പൊലീസ്‌ ഉദ്യോഗസ്ഥശര നിയോഗിക്കണമെന്നാവശ്യപ്പെട്ടാണ്‌ ദേവസ്വം അസിസ്‌റ്റന്റ്‌ കമ്മീഷണർ കത്ത്‌ നൽകിയത്‌.

Eng­lish Sum­ma­ry: Devas­wom with­draws let­ter from Assis­tant Com­mis­sion­er ask­ing Hin­du police to pro­vide security

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.