June 28, 2022 Tuesday

Latest News

June 27, 2022
June 27, 2022
June 27, 2022
June 27, 2022
June 27, 2022
June 27, 2022
June 27, 2022
June 27, 2022
June 27, 2022
June 27, 2022

മത്സ്യമേഖലയിലെ വികസനം വിഭവങ്ങൾ സംരക്ഷിക്കുന്നതിൽ മാത്രമൊതുങ്ങരുത്: മന്ത്രി മെഴ്‌സിക്കുട്ടിയമ്മ

By Janayugom Webdesk
January 9, 2020

കൊച്ചി: സമുദ്രമത്സ്യ മേഖലയുടെ വികസനം കടൽവിഭവങ്ങൾ സംരക്ഷിക്കുന്നതിൽ മാത്രമൊതുങ്ങരുതെന്ന് ഫിഷറീസ് മന്ത്രി ജെ മെഴ്‌സിക്കുട്ടിയമ്മ. മറിച്ച്, മേഖലയിലെ സാമൂഹിക‑സാമ്പത്തിക സാഹചര്യങ്ങൾ കൂടി പരിഗണിക്കുന്നതാവണമെന്ന് മന്ത്രി പറഞ്ഞു. കേന്ദ്ര സമുദ്രമത്സ്യ ഗവേഷണ സ്ഥാപനത്തിൽ (സിഎംഎഫ്ആർഐ) നടന്നുകൊണ്ടിരിക്കുന്ന രാജ്യാന്തര മറൈൻ സിമ്പോസിയത്തിൽ സംസാരിക്കുകയായിരുന്നു മന്ത്രി.

മീൻപിടുത്തവും അനുബന്ധകാര്യങ്ങളും കോടിക്കണക്കിന് ജനങ്ങളുടെ ഉപജീവനമാർഗമാണെന്ന കാര്യം മറക്കരുത്. എല്ലാവർക്കിടയിലും സമത്വവും തുല്യനീതിയും കൊണ്ടുവരണം. മത്സ്യത്തൊഴിലാളികളുടെ സാമൂഹിക‑സാമ്പത്തിക നിലവാരം ഉയരണം.

മത്സ്യത്തൊഴിലാളികളെ കൂടി സഹകരിപ്പിച്ചുള്ള പങ്കാളിത്ത പരിപാലനരീതികൾക്ക് സംസ്ഥാന സർക്കാർ തുടക്കമിട്ടിട്ടുണ്ട്. ഇതിനായി, മത്സ്യഗ്രാമങ്ങളിലും തുറമുഖങ്ങളിലും പരിപാലന സംഘങ്ങൾ രൂപീകരിച്ചു. ചെറുമീനുകളുടെ നിരോധനമടക്കമുള്ള സർക്കാർ നടപ്പിലാക്കിയ പദ്ധതികളിലൂടെ മത്സ്യമേഖയിൽ കാര്യമായ പുരോഗതിയുണ്ടെന്നും മന്ത്രി പറഞ്ഞു.

കടൽ വിഭവങ്ങൾക്ക് മേലുള്ള അമിത സമർദം അടിയന്തിരമായി കുറയ്ക്കണം.കടലിന്റെ ആവാസവ്യവസ്ഥകളുടെ സംരക്ഷിച്ചാൽ മാത്രമേ മത്സ്യോൽപാദനം പൂർവസ്ഥിതിയിലേക്ക് കൊണ്ടുവരാനാകൂ. മത്സ്യോൽപാദനം വർധിപ്പിക്കുന്നതിലൂടെ ഭക്ഷ്യഭദ്രത ഉറപ്പുവരുത്താനും തൊഴിലവസരങ്ങൾ കൂട്ടാനും കഴിയുമെന്നും മെഴ്‌സിക്കുട്ടിയമ്മ പറഞ്ഞു.

സിഎംഎഫ്ആർഐ ഡയറക്ടർ ഡോ എ ഗോപാലകൃഷ്ണൻ മന്ത്രിക്ക് ശംഖ് ഉപഹാരമായി നൽകി. സമുദ്ര ആവാസവ്യവസ്ഥ നേരിടുന്ന പ്രശ്‌നങ്ങൾ ചർച്ച ചെയ്യുന്ന സിമ്പോസിയം ഇന്ന് (വെള്ളി) സമാപിക്കും. മത്സ്യസമ്പത്ത് കുറയൽ, സമുദ്രമലിനീകരണം, പ്ലാസ്റ്റികിന്റെ ആധിക്യം, താപനിലയിലെ വർധനവ് തുടങ്ങി നിരവധി പ്രശ്‌നങ്ങൾ കൊണ്ട് വലയുന്ന സമുദ്രമത്സ്യ മേഖലയുടെ സംരക്ഷണത്തിനും സുസ്ഥിര വികസനത്തിനുമുള്ള രൂപരേഖ വിദഗ്ധർ തയ്യാറാക്കും.

Eng­lish sum­ma­ry: Devel­op­ment should not be lim­it­ed to sav­ing resources — Min­is­ter Mercykuttyamma

YOU MAY ALSO LIKE THIS VIDEO

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.