June 29, 2022 Wednesday

സവാള വില വർദ്ധനവിൽ മലപ്പുറത്ത് വേറിട്ട രീതിയിൽ പ്രതിഷേധം

By Janayugom Webdesk
December 13, 2019

മലപ്പുറം: സവാള വില വർധനക്കെതിരെ മലപ്പുറത്ത് പാചകക്കാരുടെ വേറിട്ട സമര രീതി. അഞ്ഞൂറിലധികം പേർക്ക് സവാളയില്ലാതെ ബിരിയാണി വച്ച് വിതരണം ചെയ്തായിരുന്നു പ്രതിഷേധം. വില വർധനവ് തൊഴിലിനെ നേരിട്ട് ബാധിച്ചതോടെയാണ് സമരം വ്യത്യസ്ഥമാക്കാൻ കേരള സ്റ്റേറ്റ് കുക്കിംങ് വർക്കേഴ്സ് യൂണിയൻ തീരുമാനിച്ചത്.

സവാളയടക്കം നിത്യോപയോഗ സാധനങ്ങൾക്കെല്ലാം പൊള്ളുന്ന വിലയാണ്. പലരും പരിപാടികളെല്ലാം മാറ്റിവച്ചതോടെ പാചകത്തൊഴിലാളികൾക്ക് പണിയില്ലാതായി.

ഇതോടെയാണ് മാർച്ചും ധർണയും പോലുള്ള സമര പരിപാടി ഒഴിവാക്കി സവാളയില്ലാത്ത ഭക്ഷണം വിളമ്പി പ്രതിഷേധിക്കാൻ തീരുമാനിച്ചത്.

മലപ്പുറം കളക്ടറേറ്റിന് മുന്നിൽ യൂണിയനിലെ പാചകക്കാർ ഒത്തുചേർന്ന് ഉള്ളിയില്ലാതെ ബിരിയാണിയുണ്ടാക്കി വിതരണം ചെയ്തു. സമരം പൊതുജനങ്ങളെ ബുദ്ധിമുട്ടിച്ചില്ലെന്ന് മാത്രമല്ല, വഴിയെ പോയവർക്ക് വയറുനിറയെ ബിരിയാണിയും കിട്ടി.

you may also like this video;

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.