Web Desk

കൊച്ചി

November 22, 2021, 4:23 pm

ശബരിമല തീര്‍ത്ഥാടനം: സംസ്ഥാനത്തിന് പുറത്ത് സ്‌പോട്ട് ബുക്കിംഗ് കേന്ദ്രങ്ങള്‍ ഒരുക്കാന്‍ പ്രയാസമെന്ന് ദേവസ്വം ബോര്‍ഡ്

Janayugom Online

ശബരിമല തീര്‍ത്ഥാടനവുമായി ബന്ധപ്പെട്ട് സംസ്ഥാനത്തിന് പുറത്ത് സ്‌പോട്ട് ബുക്കിംഗ് കേന്ദ്രങ്ങള്‍ ഒരുക്കുന്നതിന് പ്രായോഗിക ബുദ്ധിമുട്ടുണ്ടെന്ന് ദേവസ്വം ബോര്‍ഡ് ഹൈക്കോടതിയില്‍ വ്യക്തമാക്കി. കര്‍ണാടക, തമിഴ്‌നാട്, ആന്ധ്ര തുടങ്ങിയ സംസ്ഥാനങ്ങളില്‍ സ്‌പോട്ട് ബുക്കിംഗ് സൗകര്യം ഒരുക്കാന്‍ കഴിയുമോയെന്ന ഹൈക്കോടതിയുടെ ചോദ്യത്തിന് ഉത്തരമായാണ് ദേവസ്വം ബോര്‍ഡ് ഇക്കാര്യം അറിയിച്ചത്. അതേസമയം കേരളം മുഴുവന്‍ സ്‌പോട്ട് ബുക്കിംഗ് ഒരുക്കാനുള്ള സൗകര്യങ്ങള്‍ ഇല്ലെന്നും ദേവസ്വം ബോര്‍ഡ് വ്യക്തമാക്കി.

വിവിധ സംസ്ഥാനങ്ങളില്‍ ബുക്കിംഗ് കേന്ദ്രം അനുവദിക്കണമെങ്കില്‍ ജീവനക്കാര്‍, കെട്ടിടം, ഇന്റര്‍നെറ്റ് അടക്കമുള്ള സൗകര്യങ്ങള്‍ ഒരുക്കണമെന്നും ചുരുങ്ങിയ സമയത്ത് ഇത് ഒരുക്കാന്‍ പ്രായോഗിക ബുദ്ധിമുട്ടുണ്ടെന്നുമാണ് ദേവസ്വം വ്യക്തമാക്കിയത്.
eng­lish summary;difficulty in set­ting up spot book­ing cen­ters out­side the state in con­nec­tion with the Sabari­mala pilgrimage
you may also like this video;