Web Desk

തിരുവനന്തപുരം

April 01, 2020, 6:34 pm

സര്‍ക്കാരിന്റെ സൗജന്യ ഭക്ഷ്യവിഭവക്കിറ്റുകളുടെ വിതരണം ഏപ്രില്‍ ആദ്യവാരം മുതല്‍; ലഭിക്കുക 17 ഇനങ്ങൾ

Janayugom Online

കൊറോണക്കാലത്ത് സംസ്ഥാനത്ത് ആരും വിശന്നിരിക്കരുതെന്ന സർക്കാർ തീരുമാനത്തിന്റെ ഭാഗമായിട്ട് സംസ്ഥാനത്തെ റേഷൻ കാർഡ് ഉടമകൾക്കുള്ള സൗജന്യ ഭക്ഷ്യ കിറ്റ് വിതരണം ഏപ്രിൽ ആദ്യവാരം മുതൽ ആരംഭിക്കുമെന്ന് സപ്പ്ലൈകോ അറിയിച്ചു. സംസ്ഥാനത്തെ 56 ഡിപ്പോകളിലും, ഗാന്ധിനഗറില്‍ ഹെഡ്ഓഫീസിലും, തിരഞ്ഞെടുത്ത സൂപ്പര്‍മാര്‍ക്കറ്‌റുകളിലും ആണ് വിതരണത്തിനുള്ള കിറ്റുകള്‍ തയ്യാറാക്കുന്നത്.

പഞ്ചസാര(ഒരു കിലോ),ചായപ്പൊടി(250 ഗ്രാം), ഉപ്പ് (ഒരു കിലോ), ചെറുപയർ (ഒരു കിലോ),കടല (ഒരു കിലോ), വെളിച്ചെണ്ണ (അര ലിറ്റര്‍), ആട്ട (രണ്ടു കിലോ),റവ(ഒരു കിലോ), മുളകുപൊടി (100 ഗ്രാം), മല്ലിപ്പൊടി( 100 ഗ്രാം), പരിപ്പ്(250 ഗ്രാം), മഞ്ഞള്‍പ്പൊടി (100 ഗ്രാം), ഉലുവ(100 ഗ്രാം),കടുക് (100 ഗ്രാം),സോപ്പ് ( രണ്ടെണ്ണം), സണ്‍ ഫ്‌ളവര്‍ ഓയില്‍ (ഒരു ലിറ്റര്‍), ഉഴുന്ന് (ഒരു കിലോ) എന്നീ പതിനേഴ് വിഭവങ്ങളാണ് കിറ്റുകളിലുണ്ടാകുക.

സർക്കാർ ഇതിനായി 350 കോടിരൂപ സി.എം.ഡി.ആര്‍.എഫില്‍ നിന്നും ആദ്യഗഡുവായി അനുവദിച്ചിട്ടുണ്ട്. 1000 രൂപ വിലവരുന്ന വിഭവങ്ങളാണ് കിറ്റിലുള്ളത്.

ENGLISH SUMMARY: dis­tri­b­u­tion of free ration kit starts from this week

YOU MAY ALSO LIKE THIS VIDEO