Web Desk

കോതമംഗലം

March 08, 2020, 9:34 pm

കുഞ്ഞിനെ കൊന്ന് കുഴിച്ചുമൂടിയെന്ന് സംശയം; കുഴിമാന്തിയപ്പോൾ ഞെട്ടി പൊലീസും നാട്ടുകാരും

Janayugom Online

രണ്ടു ദിവസം ഒരു നാടിനെ മുഴുവൻ മുൾമുനയിൽ നിർത്തിയ ഒരു കുഴി. അവസാനം നാട്ടുകാരുടെയും ആർ ഡി ഒയുടെയും സാനിധ്യത്തിൽ കുഴി മാന്തിയപ്പോൾ കിട്ടിയത് തുണിയിൽ പൊതിഞ്ഞ വെള്ളരിക്ക. കോതമംഗലം കുരിമ്പിനാംപാറ ജുമാമസ്ജിദിന്റെ ഖബ്ർസ്ഥാനത്ത് കണ്ട ഒരു കുഴിയാണ് നാടിനെയാകെ ആശങ്കയുടെ മുൾമുനയിൽ നിർത്തിയത്. നവജാത ശിശുവിനെ അടക്കം ചെയ്തതിന് സമാനമായ നിലയിലായിരുന്നു പള്ളി ശ്മ്ശാനത്തിൽ മണ്ണ് കൂട്ടിയിട്ടിരുന്നത്.

സംശയത്തെ തുടർന്ന് ആദ്യം പള്ളി കമ്മിറ്റിയിലും പിന്നാലെ പൊലീസിലും വിവരം അറിയിച്ചു. സംഭവം അറിഞ്ഞ് നാട്ടുകാർ ഓടിയെത്തി. ഒടുവിൽ ആർ ഡി ഒയുടെ നേത്രത്വത്തിൽ കുഴി മാന്തി. അവസാനം കണ്ടതോ, വെള്ളത്തുണിയിൽ പൊതിഞ്ഞ വെള്ളരിക്ക.

കൂടോത്രക്കാരുടെ പണിയാണ് ഇതെന്ന് പൊലീസ് പറയുന്നു. അറബി അക്ഷരത്തിൽ വെള്ളരിക്കയിൽ ചിലതെല്ലാം കുറിച്ചിട്ടുണ്ട്. റവന്യൂ ഉദ്യോഗസ്ഥരുടെയും പൊലീസിന്റെയും ജോലി തടസ്സപ്പെടുത്തിയ വിരുതനെ കണ്ടെത്താനുള്ള ശ്രമത്തിലാണ് പൊലീസ്.

ENGLISH SUMMARY: Dought in Kothaman­galm mosque

YOU MAY ALSO LIKE THIS VIDEO