ഡ്രോൺ പൈലറ്റ് ട്രെയിനിംഗ് ഇൻസ്റ്റിറ്റ്യൂട്ട് ആരംഭിക്കാനൊരുങ്ങി ഹരിയാന സര്‍ക്കാര്‍

ഹരിയാനയിൽ ഡ്രോൺ പൈലറ്റുമാരെ പരിശീലിപ്പിക്കുന്നതിനായി ഇൻസ്റ്റിറ്റ്യൂട്ട് ആരംഭിക്കാൻ പദ്ധതിയിടുന്നതായി ഹരിയാന മുഖ്യമന്ത്രി മനോഹർ ലാൽ ഖട്ടർ. ഡ്രോൺ ഇമേജിംഗ് ആൻഡ് ഇൻഫർമേഷൻ സർവീസ് ഓഫ് ഹരിയാന ലിമിറ്റഡിന്റെ (ദൃശ്യ) കീഴിലാണ് പരിശീലന സ്ഥാപനം ആരംഭിക്കുകയെന്ന് മനോഹർ ലാൽ പറഞ്ഞു.

വ്യാഴാഴ്ച ഖട്ടറിന്റെ അധ്യക്ഷതയിൽ ചേർന്ന ദൃശ്യയുടെ രണ്ടാം ഡയറക്ടർ ബോർഡ് യോഗത്തിലാണ് ഇൻസ്റ്റിറ്റ്യൂട്ട് സ്ഥാപിക്കാനുള്ള തീരുമാനമെടുത്തത്. സംസ്ഥാനത്ത് യുഎവി വഴിയുള്ള ഭരണരീതി വേഗത്തിലാക്കാൻ പ്രത്യേക കോർപ്പറേഷൻ രൂപീകരിക്കേണ്ടതിന്റെ ആവശ്യകതയെക്കുറിച്ച് ഉദ്യോഗസ്ഥർ മുഖ്യമന്ത്രിയെ അറിയിച്ചു.

ഇത് സംസ്ഥാനത്ത് സവിശേഷമായ ഒരു തുടക്കമാണ്, ഇപ്പോൾ ഡ്രോണുകളുടെ സഹായത്തോടെ, വിസ്തൃതി കണ്ടെത്തുന്നതിനൊപ്പം അനധികൃത കൈയേറ്റങ്ങളും നിയന്ത്രിക്കാനാകുമെന്നും ഖട്ടർ പറഞ്ഞു. റവന്യൂ വകുപ്പിന് പുറമെ നഗര തദ്ദേശ സ്ഥാപനങ്ങൾ, വൈദ്യുതി, ദുരന്തനിവാരണം, ഖനനം, വനം, ഗതാഗതം, നഗര‑രാജ്യ ആസൂത്രണം, കൃഷി തുടങ്ങിയ വകുപ്പുകളിലും ഡ്രോണുകളുടെ ഉപയോഗം ഉറപ്പാക്കണമെന്ന് മനോഹർ ലാൽ കൂട്ടിച്ചേര്‍ത്തു.

Eng­lish summary;Drone Pilot Train­ing Insti­tute To Come Up In Haryana

You may also like this video;