മില്മ തിരുവനന്തപുരം മേഖല യൂണിയന് ഈ ഓണക്കാലത്ത് ഒരു ലിറ്റര് പാലിന് 2.50 രൂപ വീതം അധികവില നല്കുമെന്ന് അഡ്മിനിസ്ട്രേറ്റീവ് കമ്മിറ്റി കണ്വീനര് എന് ഭാസുരാംഗന് അറിയിച്ചു. ഇതില് രണ്ട് രൂപ കര്ഷകര്ക്കും 50 പൈസ ക്ഷീരസംഘത്തിനുമാണ് ലഭിക്കുക. ഈ വര്ഷം ജൂണില് സംഘങ്ങള് യൂണിയന് നല്കിയ പാലിന്റെ അളവിന് ആനുപാതികമായി ആയിരിക്കും ഇന്സെന്റീവ് നല്കുക.
ലാഭത്തിന്റെ പ്രയോജനം പൂര്ണമായും പ്രാഥമിക സംഘങ്ങള്ക്കും ക്ഷീരകര്ഷകര്ക്കും ലഭ്യമാക്കുകയെന്ന ലക്ഷ്യത്തോടെയാണ് യൂണിയന് ഈ വര്ഷത്തെ പദ്ധതികള് ആസൂത്രണം ചെയ്തിട്ടുള്ളത്. കാലിത്തൊഴുത്ത് നവീകരണത്തിന് 15,000 രൂപ വരെ ധനസഹായം പ്രഖ്യാപിച്ചിട്ടുണ്ട്. 50 ശതമാനം സബ്സിഡി നിരക്കില് കൗമാറ്റുകള് വിതരണം ചെയ്യുന്നതിനുള്ള നടപടികള് പൂര്ത്തിയായി വരുന്നു. 20 കൃത്രിമ ബീജാദാന കേന്ദ്രങ്ങള് ഈ വര്ഷം ആരംഭിക്കും. ഈ ഓണക്കാലത്ത് റെക്കോഡ് വില്പനയാണ് യൂണിയന് ലക്ഷ്യമിടുന്നതെന്നും അദ്ദേഹം കൂട്ടിച്ചേര്ത്തു.
English Summary: During Onam, dairy farmers will be paid two and a half rupees more per milk
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.