തായ്വാന്റെ തെക്കുകിഴക്കന് മേഖലയില് ശക്തമായ ഭൂചലനം അനുഭവപ്പെട്ടു. റിക്ടര് സ്കെയിലില് 6.8 രേഖപ്പെടുത്തിയ ഭൂചലനത്തില് ഒരു മൂന്നുനിലകെട്ടിടം നിലം പൊത്തി. നാല് പേര് കെട്ടിടത്തിനുള്ളില് ഉണ്ടായിരുന്നു. 70 കാരനായ കെട്ടിട ഉടമയേയും ഭാര്യയേയും രക്ഷിച്ചു. 39കാരിക്കും അഞ്ചുവയസുകാരി മകള്ക്കും വേണ്ടിയുള്ള തിരച്ചില് തുടരുകയാണ്. യാത്രാ ട്രെയിനുകള് കളിപ്പാട്ടം പോലെ വിറയ്ക്കുന്നതിന്റെ ദൃശ്യങ്ങള് പുറത്തുവന്നിരുന്നു. ട്രെയിനിന്റെ ഒരു ഭാഗം പാളത്തില് നിന്ന് തെറിച്ച് പോകുകയും ചെയ്തു.
ഭൂചലനത്തില് ഗുരുതരമായ ആള്നാശമില്ലെന്നും യുലി പട്ടണത്തില് 7000 വീടുകളില് വെെദ്യുതി ബന്ധം വിച്ഛേദിക്കപ്പെട്ടതായും 400 വിനോദസഞ്ചാരികള് മലയിടുക്കില് ഒറ്റപ്പെട്ടതായും ദേശീയ വാര്ത്താ ഏജന്സി അറിയിച്ചു. തായ്വാനിലെ ചിഷാങ് മേഖലയില് ഏഴ് കിലോമീറ്റര് ആഴത്തിലാണ് ഭൂചലനത്തിന്റെ പ്രഭവകേന്ദ്രം. പ്രഭവകേന്ദ്രത്തിന്റെ വടക്ക് ഭാഗത്താണ് കൂടുതല് നാശനഷ്ടങ്ങളുണ്ടായത്. ഭൂചലനത്തെ തുടര്ന്ന് ജപ്പാനിലെ തെക്കന് ദ്വീപുകളില് സുനാമി മുന്നറിയിപ്പ് നല്കിയിരുന്നെങ്കിലും പിന്നീട് പിന്വലിച്ചു.
English Summary: earthquake hits Taiwan
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.