Web Desk

കൊച്ചി

September 15, 2021, 6:26 pm

നയതന്ത്ര സ്വര്‍ണക്കടത്ത് കേസില്‍ കസ്റ്റംസ് പിടിച്ചെടുത്ത 30 കിലോ സ്വര്‍ണം ഇഡി കണ്ടുകെട്ടി

Janayugom Online

കസ്റ്റംസ് പിടികൂടിയ 30 കിലോ സ്വര്‍ണം കണ്ടുകെട്ടി എന്‍ഫോഴ്‌സ്‌മെന്റ് ഡയറക്ടറേറ്റ് (ഇഡി). നയതന്ത്ര സ്വര്‍ണക്കടത്തുമായി ബന്ധപ്പെട്ട് പിടികൂടിയ സ്വര്‍ണമാണ് കണ്ടുകെട്ടിയത്. പ്രതികളില്‍ നിന്ന് പിടിച്ചെടുത്ത 14.98 ലക്ഷം രൂപയും കണ്ടുകെട്ടി ഇഡി ഉത്തരവിറക്കി. ലോക്കറില്‍ നിന്ന് പിടികൂടിയ ഒരുകോടി രൂപ നേരത്തെ കണ്ടുകെട്ടിയിരുന്നു.

കള്ളക്കടത്തിലൂടെ സമ്പാദിച്ച  കള്ളപ്പണമാണ് സ്വര്‍ണത്തിനായി നിക്ഷേപിച്ചത്. സ്വര്‍ണത്തിനായി പണം നിക്ഷേപിച്ച ഒൻപത് പേര്‍ക്ക് ഇ ഡി നോട്ടീസ് നല്‍കിയിട്ടുണ്ട്. റബിന്‍സ്, പി ടി അബ്ദു, അബ്ദുല്‍ ഹമീദ്, ഷൈജല്‍, കുഞ്ഞുമുഹമ്മദ്, ഹംജത് അലി, റസല്‍, അന്‍സില്‍, ഷമീര്‍ എന്നിവര്‍ക്കാണ് നോട്ടീസ് നല്‍കിയത്.

 

Eng­lish Sum­ma­ry: ED con­fis­cat­ed 30 kg of gold seized by cus­toms in a diplo­mat­ic gold smug­gling case

You may like this video also