Web Desk

ന്യൂഡൽഹി

February 26, 2020, 7:16 pm

2,000 രൂപ നോട്ടുകളും പിൻവലിക്കാനൊരുങ്ങി മോഡി സർക്കാർ

എടിഎമ്മുകളുടെ റീകാലിബറേഷൻ പ്രവർത്തനങ്ങൾ ആരംഭിച്ചു
Janayugom Online

2016ൽ നോട്ട് പിൻവലിച്ചതിന് പിന്നാലെ പുറത്തിറക്കിയ 2,000 രൂപ നോട്ടുകളും പിൻവലിക്കാനൊരുങ്ങി മോഡി സർക്കാർ. ഇതിന്റെ ആദ്യപടിയായി 2,000 രൂപ നോട്ടുകൾക്കായുള്ള സജ്ജീകരണങ്ങൾ എടിഎമ്മുകളിൽ നിന്നും ഒഴിവാക്കുന്നു.

രാജ്യത്തെ 2,40, 000 എടിഎമ്മുകളുടെ റീകാലിബറേഷൻ പ്രവർത്തനങ്ങൾ ഇതിനകം ആരംഭിച്ചു. നിലവിൽ നാല് കാസ്ക്കറ്റുകളാണ് എടിഎമ്മുകളിലുള്ളത്. ഇനി മുതൽ മൂന്നാക്കി 500, 200, 100 രൂപ നോട്ടുകളാകും യഥാക്രമം നിറയ്ക്കുന്നത്. 2000 രൂപ നോട്ടുകൾ പൂഴ്ത്ത്ത്തിവയ്ക്കുന്ന പ്രവണതകൾ വർധിച്ചുവരുകയാണെന്ന് കേന്ദ്ര ധനകാര്യ മുൻ സെക്രട്ടറി നേരത്തെ വ്യക്തമാക്കിയിരുന്നു.

നിലവിൽ ഒരു കാസ്ക്കറ്റിൽ 2,300 മുതൽ 2,600 നോട്ടുകൾ വരെയാണ് നിറയ്ക്കാൻ കഴിയുന്നത്. നിലവിലുള്ള 2000 രൂപ നോട്ടിന്റെ കാസ്ക്കറ്റിൽ പഴയ 100 രൂപ നോട്ടുകൾ നിറയ്ക്കുന്നതിനുള്ള സംവിധാനങ്ങൾ ലഭ്യമാക്കും.

Eng­lish Sum­ma­ry; End of Rs 2000 notes; ATMs re calibrated

YOU MAY ALSO LIKE THIS VIDEO