Web Desk

എരുമേലി

January 13, 2020, 4:48 pm

എരുമേലി കണമലയിൽ അയ്യപ്പ ഭക്തരുടെ വാഹനവും കെഎസ്ആർടിസിയും കൂട്ടിയിടിച്ചു: നിരവധി പേർക്ക് പരിക്ക്

Janayugom Online

എരുമേലി കണമല അട്ടിവളവിൽ അയ്യപ്പ ഭക്തരുടെ വാഹനവും കെഎസ്ആർടിസിയും കൂട്ടിയിടിച്ച് നിരവധി പേർക്ക് പരിക്ക്. തിങ്കളാഴ്ച വൈകുന്നേരം നാലു മണി കഴിഞ്ഞാണ് അപകടമുണ്ടായത്. പരിക്കേറ്റവരെ മുക്കൂട്ടുതറ അസ്സീസ്സി ആശുപത്രിയിൽ എത്തിച്ച് പ്രാഥമിക ചികിത്സ നൽകുകയാണ്.

ഏഴോളം തീർത്ഥാടകരുടെ കൈ കാലുകൾ ഒടിഞ്ഞിട്ടുണ്ട്. നാട്ടുകാരും, പോലീസും, ആംബുലൻസും സ്ഥലത്തെത്തിയിട്ടുണ്ട്. എരുമേലിയിൽ നിന്നും പമ്പയ്ക്ക് പോകുകയായിരുന്ന കെഎസ്ആർടിസി ബസിന്റെ ബ്രേക്ക് പോയതാണ് അപകട കാരണമെന്ന് നാട്ടുകാർ പറയുന്നു. സംഭവത്തെ കുറിച്ച് കൂടുതൽ വിവരങ്ങൾ ലഭ്യമായിട്ടില്ല.