എവിടെ വാഗ്ദത്ത ഭൂമി

അർദ്ധ പട്ടിണിയായ്

ജനകോടികൾ

അദ്ധ്വാനമില്ലാതെ

യിന്നും കഴിയവേ

എവിടെ സ്വാതന്ത്യ

വാഗ്ദത്ത ഭൂമിക?

എവിടെ സ്വാതന്ത്ര്യ

സ്വപ്ന സംഗീതിക?

ആർത്തരായ്, ആലം-

ബഹീനരായിന്നും

അന്നത്തിനായിട്ട-

ലമുറ കൂട്ടുവോർ

ദാരിദ്ര്യ രേഖയ്ക്കു

മപ്പുറം ജീവിത

ഭാരമിറക്കുവാൻ

കാത്തു നില്ക്കുന്നവർ

ആർക്കു സ്വാതന്ത്ര്യ -

മെന്നു ചോദിച്ചു കൊ-

ണ്ടാർത്തലയ്ക്കുന്നു

മഹാ ജനസഞ്ചയം

ആർക്കു സ്വാതന്ത്ര്യമെ -

ന്നു ചോദിക്കുന്നു

ദുരിതക്കയങ്ങളിൽ

മുങ്ങും ജനത്തി!

പുത്തൻ പ്രഭാത-

മുതിക്കാൻ കൊതിച്ചവർ

പൂർണ്ണ സ്വരാജിനു

വേണ്ടി മരിച്ചവർ

സ്വാതന്ത്ര്യത്തിൻ സമര

പഥങ്ങളിൽ

ചോരയൊഴുക്കിയും

ജീവൻ ത്യജിച്ചവർ

എത്ര പേരിങ്ങനെ

*ടോമീസ് പ്പടയുടെ

നിറതോക്കി നാലേ

പിടഞ്ഞുമരിച്ചവർ!

സൂര്യനസ്തമിക്കാത്ത

സാമ്രാജ്യശക്തിയെ -

ന്നൂറ്റം കൊണ്ടൊരു

വെള്ളപ്പട്ടാളത്തെ

മുട്ടുകുത്തിച്ചു നേടിയ

സ്വാതന്ത്ര്യ, മിന്നർത്ഥമില്ലാ

കടംങ്കഥയായി തോ?

ഇന്നിവിടെ സ്വത്രന്ത്ര്യ -

ത്തിനായി നമ്മൾ

നമ്മളെത്തന്നെ

ബലി കൊടുക്കുന്നവർ!

ടോമീസ് — ബ്രിട്ടീഷുകാരുടെ സാധാരണ പട്ടാളക്കാരെ ടോമീസ് എന്ന പേരിലാണ് അന്ന് അറിയപ്പെട്ടിരുന്നത്.