Web Desk

റങ്കൂണ്‍

January 19, 2020, 7:29 pm

പേര് വിവർത്തനം; പുലിവാല് പിടിച്ച് ഫേസ്ബുക്ക്, ഒടുവിൽ മാപ്പ് പറഞ്ഞു

Janayugom Online

പേര് വിവർത്തനത്തിലൂടെ പുലിവാല് പിടിച്ച് ഫേസ്ബുക്ക്. ചൈനീസ് പ്രസിഡന്റ് ഷി ജിന്‍പിങിന്റെ പേര് വിവർത്തനമാണ് ഫേസ്ബുക്കിന് പണി നൽകിയത്. ബെര്‍മീസ് ഭാഷയിലുള്ള പോസ്റ്റിലെ ഷി ജിന്‍പിങിന്റെ പേരിന്റെ ഇംഗ്ലീഷ് വിവര്‍ത്തനത്തിന്റെ സ്ഥാനത്താണ് തെറി പ്രത്യക്ഷപ്പെട്ടത്. തെറ്റ് സംഭവിച്ചതിൽ ഫേസ്ബുക്ക് മാപ്പ് പറഞ്ഞു. ബര്‍മീസില്‍ നിന്ന് ഇംഗ്ലീഷിലേയ്ക്കുള്ള വിവര്‍ത്തനത്തില്‍ സംഭവിച്ച പിഴവാണെന്നും അത് പരിഹരിച്ചെന്നും ഫെയ്‌സ്ബുക്ക് അറിയിച്ചു.സംഭവിക്കാന്‍ പാടില്ലാത്തതായിരുന്നുവെന്നും ക്ഷമ ചോദിക്കുന്നുവെന്നും ഫെയ്‌സ്ബുക്ക് പ്രസ്താവനയില്‍ പറഞ്ഞു.

ഷി ജിന്‍പിങിന്റെ മ്യാന്‍മാര്‍ സന്ദര്‍ശന വേളയിലാണ് സംഭവം. മ്യാന്‍മാര്‍ സ്‌റ്റേറ്റ് കൗണ്‍സിലര്‍ ഓംഗ് സാങ് സൂചിയുടെ ഔദ്യോഗിക പേജില്‍ വന്ന പോസ്റ്റിലാണ് വിവര്‍ത്തനത്തില്‍ തെറ്റ് സംഭവിച്ചത്. ബര്‍മീസ് ഭാഷയില്‍ നിന്ന് ഇംഗ്ലീഷിലേയ്ക്ക് വിവര്‍ത്തനം ചെയ്യുന്നതില്‍ മുമ്പും ഫെയ്‌സ്ബുക്കിന് ഗുരുതരമായ പിഴവുകള്‍ സംഭവിച്ചിട്ടുണ്ട്.

Eng­lish sum­ma­ry: Face­book apol­o­gis­es for rude mis­trans­la­tion of xi jin­ping s name

YOU MAY ALSO LIKE THIS VIDEO