കെകെ ശൈലജ എംഎൽഎയുടെ വ്യാജ വീഡിയോ സമൂഹമാധ്യമങ്ങളിൽ പ്രചരിപ്പിച്ച കേസിൽ മുസ്ലിം ലീഗ് നേതാവിനെ ശിക്ഷിച്ച് കോടതി. യുഡിഎഫ് ന്യൂ മാഹി പഞ്ചായത്ത് കമ്മിറ്റി ചെയർമാനും വാർഡ് അംഗവുമായ ന്യൂ മാഹി പെരിങ്ങാടി പുള്ളിയുള്ളതിൽ പീടികയിലെ ടിഎച്ച് അസ്ലമിനാണ് തലശ്ശേരി ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതി 15,000 രൂപ പിഴ ശിക്ഷ വിധിച്ചത്.
മുസ്ലീങ്ങൾ വർഗീയവാദികൾ ആണെന്ന് ശൈലജ പറഞ്ഞെന്ന വ്യാജ വീഡിയോ ആണ് ഇയാൾ പ്രചരിപ്പിച്ചത്. 2024 ഏപ്രിൽ എട്ടിന് മങ്ങാട് സ്നേഹതീരം വാട്സ്ആപ്പ് ഗ്രൂപ്പിൽ ഈ വീഡിയോ ഇയാൾ പോസ്റ്റ് ചെയ്തിരുന്നു. ചാനൽ അഭിമുഖം എഡിറ്റ് ചെയ്ത വീഡിയോ ആണ് പോസ്റ്റ് ചെയ്തത്. തുടർന്ന് ചോക്ലി കവിയൂരിലെ വിവി അനീഷ് എന്നയാൾ നൽകിയ പരാതിയിൽ സാമുദായിക സ്പർദ്ധ ഉണ്ടാക്കാൻ ശ്രമിച്ചത് അടക്കമുള്ള വകുപ്പുകൾ ചുമത്തി ന്യൂമോഹി പോലീസ് അസ്ലമിനെതിരെ കേസെടുത്തു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.