Saturday
23 Feb 2019

ലൈംഗിക പീഡനാരോപണം: പ്രശസ്ത ഗായകന്‍ മിക സിങ് അറസ്റ്റില്‍

By: Web Desk | Friday 7 December 2018 12:23 PM IST


അബുദാബി:  ലൈംഗിക പീഡന ആരോപണം പ്രശസ്ത ബോളിവുഡ് ഗായകന്‍ മിക സിങ് യുഎഇയില്‍ അറസ്റ്റില്‍. 17കാരിയായ ബ്രസീലിയന്‍ പെണ്‍കുട്ടിയുടെ പരാതിയിൽ വ്യാഴാഴ്ച പുലർച്ചെയാണ് ദുബായ് പൊലീസ്  മിക സിങിനെ അറസ്റ്റ് ചെയ്തത്.

അറസ്റ്റ് വിവരം അബുദാബിയിലെ ഇന്ത്യന്‍ എംബസി സ്ഥിരീകരിച്ചു. പുലര്‍ച്ചെ മൂന്ന് മണിയോടെ ബര്‍ദുബായില്‍ നിന്ന് അറസ്റ്റ് ചെയ്ത ശേഷം മുറഖബഃ പൊലീസ് സ്റ്റേഷനിലേക്കാണ് കൊണ്ടുപോയത്. എംബസിയില്‍ നിന്നുള്ള സംഘം സ്ഥലത്തുണ്ടെന്നും മോചനത്തിനായി ശ്രമിച്ചുകൊണ്ടിരിക്കുകയാണെന്നും ഇന്ത്യന്‍ അംബാസഡര്‍ നവദീപ് സിങ് സുരി പറഞ്ഞു. 17കാരിയായ ബ്രസീലിയന്‍ പെണ്‍കുട്ടിക്ക് അശ്ലീല ചിത്രങ്ങള്‍ അയച്ചുവെന്നും പരാതിയിൽ പറയുന്നു.

പതിനേഴ് വയസ്സുകാരിയായ പെൺകുട്ടിക്ക് ബോളിവുഡ് സിനിമയില്‍ അവസരം നല്‍കാമെന്ന് വാഗ്ദാനം ചെയ്തതാണ് പീഡനമെന്ന് യുഎഇയിലെ മാധ്യമങ്ങള്‍ റിപ്പോര്‍ട്ട് ചെയ്യുന്നു. ഒരു സംഗീത പരിപാടിക്കായാണ് മിക സിങ് യുഎഇയിലെത്തിയത്. ചടങ്ങിന് ശേഷം രാത്രി തന്നെ ഇന്ത്യയിലേക്ക് മടങ്ങാന്‍ നിശ്ചയിച്ചിരുന്നു. ഇതിനിടെയാണ് പൊലീസ് പിടികൂടിയത്.

Related News