ദീപാവലി കരിദിനമായി ആചരിച്ച് കർഷകർ

ദീപാവലി കരിദിനമായി ആചരിച്ച് പഞ്ചാബിലെ കർഷകർ. കറുത്ത കാർഷിക നിയമങ്ങൾക്കെതിരെ കർഷക സംഘടനയായ ബികെയു എക്തയുടെ നേതൃത്വത്തിലാണ് കറുത്ത ദീപാവലി ആചരിച്ചത്. പ്രതിഷേധത്തിന്റെ അടയാളമായി ദീപാവലി രാത്രിയിൽ ടോർച്ചുകളാണ് കർഷകർ തെളിച്ചത്. കരിദിനാചരണം പഞ്ചാബ് അടക്കമുള്ള സംസ്ഥാനങ്ങളിൽ ദീപാവലി വ്യാപാരത്തിലും കുറവുണ്ടാക്കി.

പഞ്ചാബിന് പുറമെ രാജസ്ഥാന‍, യുപി, ഹരിയാന. തെലങ്കാന സംസ്ഥാനങ്ങളിലും കർഷകർ പ്രക്ഷോഭത്തിലാണ്. അതേസമയം 21 ന് കേന്ദ്ര സർക്കാരുമായി നടത്താൻ തീരുമാനിച്ച കൂടിക്കാഴ്ചയ്ക്ക് മുന്നോടിയായി 18 ന് കർഷക യൂണിയനുകളുടെ യോഗം നടക്കും.
ശക്തമായ സമരം നടക്കുന്ന പഞ്ചാബിലെ കർഷകർ കഴിഞ്ഞ ദിവസമാണ് കേന്ദ്രസർക്കാറുമായി ചർച്ച നടത്തിയത്.

കേന്ദ്രമന്ത്രി പിയൂഷ്​ ഗോയലിന്റെ നേതൃത്വത്തിലുള്ള സംഘവുമായുള്ള ചർച്ചയിൽ കാര്യമായ പുരോഗതികളൊന്നും ഉണ്ടായിരുന്നില്ല. മൂന്ന്​ കാർഷിക നിയമങ്ങളും ഉടൻ പിൻവലിക്കണമെന്നതുൾപ്പെടെയുള്ള ആവശ്യങ്ങളാണ് കർഷകർ മുന്നോട്ടുവച്ചിട്ടുള്ളത്.

Eng­lish sum­ma­ry; Farm­ers cel­e­brate Diwali as a dry day

You may also like this video;