Web Desk

ശ്രീനഗര്‍

March 13, 2020, 2:41 pm

ഏഴ് മാസത്തെ കരുതൽ തടങ്കലിന് ശേഷം ഫറൂഖ് അബ്ദുള്ളയ്ക്ക് മോചനം

Janayugom Online

ജമ്മു കശ്മീർ മുൻ മുഖ്യമന്ത്രി ഫറൂഖ് അബ്ദുള്ളയെ കരുതൽ തടങ്കലിൽ നിന്ന് മോചിപ്പിച്ചു. ഏഴ് മാസവും എട്ട് ദിവസങ്ങളും നീണ്ട നിന്ന കരുതൽ തടങ്കലിന് ശേഷമാണ് മുൻ മുഖ്യമന്ത്രിക്ക് മോചനം ലഭിക്കുന്നത്.ഫാറൂഖ് അബ്ദുള്ളയെ തടങ്കലിലാക്കിയ നടപടി പിന്‍വലിച്ചുക്കൊണ്ട് സര്‍ക്കാര്‍ ഉത്തരവിറക്കി. ജമ്മുകശ്മീര്‍ പ്രിന്‍സിപ്പല്‍ സെക്രട്ടറി രോഹിത് കന്‍സാലാണ് ഇതുസംബന്ധിച്ച് ഉത്തരവിറക്കിയത്.

ജമ്മു കശ്മീരിന്റെ പ്രത്യേക പദവി എടുത്തുകളഞ്ഞതിന് പിന്നാലെയാണ് കരുതലെന്ന നിലയിൽ ഫാറൂഖ് അബ്ദുള്ളയടക്കമുള്ള നേതാക്കളെ സര്‍ക്കാര്‍ വീട്ടുതടങ്കലില്‍ പാര്‍പ്പിച്ചത്. വിചാരണ കൂടാതെ തടങ്കലിലാക്കാന്‍ സാധിക്കുന്ന പൊതുസുരക്ഷാ നിയമവും ഫറൂഖ് അബ്ദുള്ളയുടെ പേരില്‍ ചുമത്തിയിരുന്നു. അതേസമയം തടങ്കലിലുള്ള മറ്റു മുഖ്യമന്ത്രിമാരായ ഒമര്‍ അബ്ദുള്ളയേയും മെഹബൂബ മുഫ്തിയേയും മോചിപ്പിച്ചിട്ടില്ല.

Eng­lish Sum­ma­ry; Farooq Abdul­lah to be released after over sev­en months in detention

YOU MAY ALSO LIKE THIS VIDEO