Web Desk

കുളത്തൂപ്പുഴ

November 26, 2021, 10:34 am

മദ്യപിച്ചെത്തി മകനെ മര്‍ദ്ദിക്കുന്നത് പതിവ്; മര്‍ദ്ദനം ഗ്യാസ് ട്യൂബും ഇലക്ട്രിക് വയറും ഉപയോഗിച്ച്: ഒടുവില്‍ പിതാവ് അറസ്റ്റില്‍

Janayugom Online

മകനെ ക്രൂരമായി മർദിച്ച കേസിൽ പിതാവ് അറസ്റ്റിൽ. കുളത്തൂപ്പുഴ റോക്ക്‌വുഡ് കടവ് റോഡ്പുറമ്പോക്കിൽ ബൈജു (35) ആണ് കുളത്തൂപ്പുഴ പൊലീസിന്റെ പിടിയിലായത്. എട്ടിന് രാത്രിയിലാണ് കേസിനാസ്പദമായ സംഭവം. മദ്യപിച്ചെത്തിയ ബൈജു മകനെ ഇലക്ട്രിക്ക് വയറും, ഗ്യാസ് ട്യൂബും അടക്കമുള്ളവ ഉപയോഗിച്ച് മർദിക്കുകയായിരുന്നു. കുട്ടിയുടെ നിലവിളികേട്ട നാട്ടുകാരാണ് വിവരം പോലീസിൽ അറിയിച്ചത്. ഇയാൾ സ്ഥിരമായി മകനെ ഉപദ്രവിക്കുമെന്ന് നാട്ടുകാർ പറഞ്ഞു. തുടർന്ന് ചൈൽഡ് ലൈൻ അധികൃതർ ഉൾപ്പടെ സംഭവത്തിൽ ഇടപെടുകയും പോലീസ് കേസെടുക്കുകയും ചെയ്തു.

ഒളിവിൽ പോയ ബൈജുവിനെ പുനലൂർ ഡിവൈഎസ്‌പി ബി വിനോദിന് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് കുളത്തൂപ്പുഴ സബ് ഇൻസ്പെക്ടർ പ്രജീഷ് കുമാറിന്റെ നേതൃത്വത്തിലുള്ള പൊലീസ് കഴിഞ്ഞ ദിവസം പിടികൂടിയത്. വൈദ്യ പരിശോധനകൾക്ക് ശേഷം കോടതിയിൽ ഹാജരാക്കിയ ബൈജുവിനെ റിമാൻഡ് ചെയ്തു.

 

Eng­lish Sum­ma­ry: father arrest­ed for harass­ing child

You may like this video also