ചാർജ് ചെയ്യുന്നതിനിടെ ഇലക്ട്രിക് ബൈക്ക് പൊട്ടിത്തെറിച്ച് അച്ഛനും മകളും മരിച്ചു

തമിഴ്‌നാട്ടിലെ വെല്ലൂരിൽ ചാർജ് ചെയ്യുന്നതിനിടെ ഇലക്ട്രിക് ബൈക്ക് പൊട്ടിത്തെറിച്ച് അച്ഛനും മകളും മരിച്ചു. അല്ലാപുരത്ത് താമസിക്കുന്ന ദുരൈ വർമ (49), മകൾ മോഹന പ്രീതി (13) എന്നിവരാണ് മരിച്ചത്.

അടുത്തിടെയാണ് വർമ്മ ഇലക്ട്രിക് ബൈക്ക് വാങ്ങിയത്. വെള്ളിയാഴ്‌ച രാത്രി ചാർജ് ചെയ്യുന്നതിനായി വീട്ടിനരികിലാണ് ബൈക്ക് പാര്‍ക്ക് ചെയ്തിരിന്നത്. ചാർജ് ചെയ്യുന്നതിനിടെ ബൈക്ക് പൊട്ടിത്തെറിച്ചതാണ് തീപിടിത്തത്തിന് ഇടയാക്കിയത്. തീയിൽ നിന്ന് രക്ഷപ്പെടാൻ വർമ്മയും മകളും ശുചിമുറിയിലേക്ക് ഓടിക്കയറി.

എന്നാൽ, തീയിൽ നിന്നുള്ള പുകയാണ് ഇരുവരുടെയും മരണത്തിന് കാരണമായത്. തീ പടരുന്നത് കണ്ട സമീപവാസികളാണ് രക്ഷാപ്രവർത്തകരെ വിവരമറിയിച്ചത്. തീ നിയന്ത്രണവിധേയമാക്കി രക്ഷാപ്രവർത്തകർ വീട്ടിലേക്ക് പ്രവേശിച്ചപ്പോഴേക്കും ഇരുവരും മരിച്ചിരുന്നു.

eng­lish summary;Father, daugh­ter die in Vel­lore after elec­tric bike explodes while charging

you may also like this video;