പിതാവ് പഠിക്കാന്‍ പറഞ്ഞു; ഒമ്പതുവയസുകാരി ഇന്‍സ്റ്റാഗ്രാം താരം തൂങ്ങി മരിച്ചു

പിതാവ് പഠിക്കാൻ പറഞ്ഞതിന് ഒൻപതു വയസ്സുകാരി ആത്മഹത്യ ചെയ്തു. തമിഴ്‌നാട്ടിലെ തിരുവള്ളൂരിലാണ് സോഷ്യല്‍മീഡിയയില്‍ താരമായ പെണ്‍കുട്ടി വീട്ടില്‍
തൂങ്ങി മരിച്ചത്. ‘ഇൻസ്റ്റാ ക്വീൻ’ എന്നാണ് പെണ്‍കുട്ടിയെ അറിയപ്പെടുന്നത്. തിങ്കളാഴ്ച ഭാര്യ വീടിന് സമീപം കളിച്ചുകൊണ്ട് നിന്ന മകളെ കണ്ട പിതാവ് കൃഷ്ണമൂർത്തി പഠിക്കാൻ ആവശ്യപ്പെട്ട് വഴക്ക് പറഞ്ഞിരുന്നു. പിന്നീട് വീടിന്റെ താക്കോല്‍ പെണ്‍കുട്ടിക്ക് നല്‍കി പിതാവ് പുറത്ത് പോയിരുന്നു. 

രാത്രിയോടെ വീട്ടില്‍ തിരിച്ചെത്തിയ പിതാവ് വീട് അകത്ത് നിന്ന് പൂട്ടിയിരിക്കുന്നത് ശ്രദ്ധയിൽപ്പെട്ടതോടെ ജനൽ തകർത്ത് വീടിനുള്ളിൽ കയറുകയായിരുന്നു. കഴുത്തിൽ കോട്ടൺ തോര്‍ത്ത് കുരുക്കി തൂങ്ങി നില്‍ക്കുന്ന മകളെയാണ് കണ്ടത്. അബോധാവസ്ഥയിലായ മകളെ ഉടന്‍ തന്നെ സമീപത്തെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്.

Eng­lish Summary;Father said to study; Nine-year-old Insta­gram star hanged to death

You may also like this video