Web Desk

December 29, 2019, 4:21 pm

പതിനഞ്ചു വയസുകാരൻ മോഷ്ടിച്ച ഹെല്‍മറ്റ് വില്‍ക്കാന്‍ ഓണ്‍ലൈനില്‍ പരസ്യം നല്‍കി; വാങ്ങാനെത്തിയത് യഥാര്‍ത്ഥ ഉടമകള്‍

Janayugom Online

കൊച്ചി: മോഷ്ടിച്ച ഹെൽമറ്റ് വിൽപനക്കായി ഓൺലൈനിൽ പരസ്യം നൽകിയ പതിനഞ്ചു വയസുകാരൻ പിടിയിൽ. കൊച്ചിയിലെ കടമ്പ്രയാറിലാണ് സംഭവം നടന്നത്. ഒഎൽഎക്സ് സൈറ്റിൽ വിൽപ്പനയ്ക്കായി വെച്ച ഹെൽമറ്റിന്റെ പരസ്യം കണ്ട് ഇത് വാങ്ങാനെത്തിയത് യഥാർത്ഥ ഉടമകളായിരുന്നു. ഹെൽമറ്റ് നഷ്ടപ്പെട്ടവർ സൈറ്റിൽ രണ്ടായിരം രൂപ വിലപറഞ്ഞതോടെ ഫോൺ നമ്പറടക്കം നൽകിയതിന് ശേഷമാണ് തങ്ങളുടെ ഹെൽമറ്റാണെന്നും മോഷ്ടാവ് കുട്ടിയാണെന്നും തിരിച്ചറിഞ്ഞത്.

5000 രൂപ വിലയുള്ള ഹെൽമറ്റാണ് മോഷണം പോയത്. ഒഎൽഎക്സ് സൈറ്റ് വഴി ഫോൺ നമ്ബറിടാതെ ഓഫർ വില ചോദിച്ചായിരുന്നു പതിനഞ്ച് വയസ്സുകാരൻ പരസ്യം നൽകിയത്. ഉടമകൾ പോലീസിൽ അറിയിച്ചതോടെയാണ് കുട്ടി പിടിയിലായത്. ഹെൽമറ്റ് ഉടമയ്ക്ക് കൈമാറിയതിന് ശേഷം പോലീസ് കുട്ടിയെ താക്കീത് ചെയ്ത് വിട്ടയച്ചു.

you may also like this video