കരുനാഗപ്പള്ളിയിലെ സൂപ്പർമാർക്കറ്റിൽ തീപിടുത്തം. ഇന്ന് പുലർച്ചെയാണ് കരുനാഗപ്പള്ളിയിലെ എൻഎസ്സ് സൂപ്പർ മാർക്കറ്റിൽ തീപിടുത്തമുണ്ടായത്. കരുനാഗപ്പള്ളി, ചവറ, ശാസ്താംകോട്ട എന്നിവിടങ്ങളിൽ നിന്നും ഫയർഫോഴ്സ് യൂണിറ്റുകൾ എത്തി തീ നിയന്ത്രണ വിധേയമാക്കി. കട പൂർണ്ണമായും കത്തിനശിച്ചു. ഒരു കോടിയോളം രൂപയുടെ നാശനഷ്ടം ഉണ്ടായതായി ഉടമ വ്യക്തമാക്കി. ഷോർട്ട് സർക്യൂട്ടാണ് അഗ്നിബാധയ്ക്ക് കാരണമെന്നാണ് സംശയിക്കുന്നത്.