Web Desk

December 19, 2019, 1:54 pm

തിരുവനന്തപുരത്ത് വീണ്ടും വിഷമത്സ്യം പിടിച്ചെടുത്തു

Janayugom Online

തിരുവനന്തപുരം: തിരുവനന്തപുരത്ത് വീണ്ടും വിഷ മത്സ്യ വേട്ട. പട്ടത്ത് നിന്ന് ഫോർമാലിൽ കലർന്ന രണ്ടര ടൺ മത്സ്യമാണ് പിടികൂടിയത്. മംഗലാപുരത്ത് നിന്ന് തിരുവനന്തപുരത്തേക്ക് കൊണ്ടുവന്ന ഫോർമാലിൻ ചേർത്ത മത്സ്യമാണ് ആരോഗ്യ വിഭാഗം നടത്തിയ പരിശോധനയിൽ പിടിച്ചെടുത്തത്. ഇന്ന് പുലർച്ചെ മൂന്ന് മണിക്കായിരുന്നു സംഭവം. ഹോള്‍സെയിൽ മാർക്കറ്റിൽ വിൽക്കാൻ കൊണ്ടു വന്നതാണ് മത്സ്യം.

സംസ്ഥാനത്തേക്ക് ഫോർമാലിൻ ചേർത്ത മത്സ്യം വ്യാപകമായി ഒഴുകുന്നുവെന്ന പരാതിയുടെ അടിസ്ഥാനത്തിലാണ് നഗരസഭ പരിശോധന കർശനമാക്കിയത്. വരും ദിവസങ്ങളിലും പരിശോധന തുടരാനാണ് നഗരസഭയുടെ തീരുമാനം. ഇതിനായി ഈഗിൾ ഐ എന്ന പേരിൽ പ്രത്യേക സ്‌ക്വാഡിനും രൂപം നൽകിയിരുന്നു. ഈ സംഘം നടത്തിയ പരിശോധനയിലാണ് മത്സ്യം പിടിച്ചെടുത്തത്.

you may also like this video