29 March 2024, Friday

Related news

February 12, 2024
August 24, 2023
August 3, 2023
July 8, 2023
May 27, 2023
January 25, 2023
January 19, 2023
September 2, 2022
August 31, 2022
August 22, 2022

അട്ട കുരുക്കിൽ നട്ടം തിരിഞ്ഞ് മത്സ്യത്തൊഴിലാളികൾ 

Janayugom Webdesk
കാഞ്ഞങ്ങാട്
April 22, 2022 2:03 pm

പരമ്പരാഗത മത്സ്യത്തൊഴിലാളികൾക്ക് തിരിച്ചടിയായി വലയിൽ കുരുങ്ങുന്ന അട്ടകളും മറ്റ് പരൽമത്സ്യങ്ങളും. പുലർച്ചെ നാലുമണിയോടെ കടലിൽ ഇറങ്ങി രാവിലെ എട്ടോടെ തിരികെ കടപ്പുറത്തു അടുക്കുന്ന യാനങ്ങളിൽ അട്ടകളും നക്ഷത്രമത്സ്യങ്ങളും പരൽ മീനുകളുമാണ് ഉള്ളത്. ഒരു യാനത്തിൽ നിന്നും അഞ്ചോ ആറോ കുട്ട മത്സ്യമാണ് കിട്ടുക. സഹതൊഴിലാളികൾക്ക് വേതനം നൽകുന്നതിനുള്ള വക വേറെ കണ്ടെത്തണം. ഒരു കുട്ട നിറയെ അഞ്ഞുറു രൂപയ്ക്കു മുകളിൽ വില നൽകി ലേലത്തിൽ പിടിക്കുന്ന മത്സ്യ വിൽപ്പനക്കാർ കുട്ടയിൽ നിന്ന് പരൽ മീനുകളെ വേർതിരിച്ച് വിൽപ്പനക്കെടുക്കുകയാണ് പതിവ്. അവശേഷിച്ച അട്ടയും നക്ഷത്ര മത്സ്യങ്ങളും കടൽ തീരത്ത് വെയിലിൽ ഉണക്കിയ ശേഷം ഇവ കോഴിത്തീറ്റക്കമ്പനിയിലേക്ക് കയറ്റി അയക്കും. നൂറ്റി ഇരുപത്തിനാലു രൂപയാണ് ഒരു ലിറ്റർ മണ്ണെണ്ണയ്ക്ക്. ഒരു യാനത്തിന് കടലിൽ പോകാൻ ഒരു ദിവസം ചുരുങ്ങിയത് 30 മുതൽ 50 ലിറ്റർ വരെ മണ്ണെണ്ണ വേണം. ഇത്തരത്തിൽ എണ്ണയ്ക്ക് മാത്രം ഏകദേശം അയ്യായിരത്തോളം രൂപ ചെലവ് വരും. ഇന്ധനവിലയും കൂട്ടിമുട്ടിക്കാൻ പറ്റാത്ത ഈ സാഹചര്യത്തിൽ പരമ്പരാഗത മത്സ്യത്തൊഴിലാളികൾക്ക് കനത്ത തിരിച്ചടിയായിരിക്കുകയാണ് കുറഞ്ഞു കൊണ്ടിരിക്കുന്ന മത്സ്യ ലഭ്യത.

 

 

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.