വിനോദയാത്രയ്ക്കിടെ ഭക്ഷ്യവിഷബാധ; അങ്കമാലി സ്വദേശി മരിച്ചു,​ 13 പേര്‍ ആശുപത്രിയില്‍

Web Desk
Posted on May 05, 2019, 7:42 pm

കൊച്ചി: വിനോദായാത്രയ്ക്കിടെ ഉണ്ടായ ഭഷ്യവിഷബാധയെ തുടര്‍ന്ന് ഒരാള്‍ മരിച്ചു. അങ്കമാലി നായത്തോട് സ്വദേശി അനില്‍കുമാര്‍ (30)ആണ് മരിച്ചത്. അങ്കമാലിയില്‍ നിന്ന് രാമക്കല്‍ മേട്ടില്‍ വിനോദയാത്ര പോയ സംഘത്തിലെ ഒരാളാണ് മരിച്ചത്.

30 അംഗ സംഘം അങ്കമാലിയില്‍ നിന്ന് ഇന്നലെയാണ് യാത്ര തിരിച്ചത്. സംഘത്തിലെ 13 പേര്‍ അങ്കമാലിയിലെ ആശുപത്രിയില്‍ ചികിത്സയിലാണ്. യാത്രാ സംഘം സ്വന്തമായി ഭക്ഷണം പാകം ചെയ്തു കഴിക്കുകയായിരുന്നു. അനില്‍ കുമാറിന്റെ മൃതദേഹം നാളെ പോസ്റ്റ് മോര്‍ട്ടത്തിന് ശേഷം സംസ്‌കരിക്കും.