August 11, 2022 Thursday

റെക്കോര്‍ഡുകള്‍ ഇനി ഓര്‍മ്മ: മുന്‍ ഇന്ത്യന്‍ ഓള്‍റൗണ്ടര്‍ ബാപ്പു നദ്കര്‍നി അന്തരിച്ചു

Janayugom Webdesk
മുംബൈ
January 18, 2020 12:28 pm

മുന്‍ ഇന്ത്യന്‍ ഓള്‍റൗണ്ടര്‍ ബാപ്പു നദ്കര്‍നി അന്തരിച്ചു. 86 വയസ്സായിരുന്നു. വാര്‍ദ്ധക്യ സഹജമായ അസുഖത്തെ തുടര്‍ന്നാണ് മരണമെന്ന് മരുമകന്‍ വിജയ് ഖേര്‍ അറിയിച്ചു. മുംബൈയിലെ വസതിയില്‍വെച്ചായിരുന്നു അന്ത്യം.

ക്രിക്കറ്റ് റെക്കോര്‍ഡ് പുസ്തകത്തില്‍ ഒട്ടേറെ തവണ കടന്നുകൂടിയ താരം ആയിരുന്നു ബാപ്പു നദ്കര്‍നി. 1955 മുതല്‍ 1968 വരെ നീണ്ട ടെസ്റ്റ് കരിയറില്‍ 41 കളികളില്‍ നിന്ന് 1414 റണ്‍സും, 88 വിക്കറ്റുമാണ് നദ്കര്‍നിയുടെ അക്കൗണ്ടിലുള്ളത്. ഇടം കൈയന്‍ സ്പിന്‍ബൗളറും ഇടംകൈയന്‍ ബാറ്റ്‌സ്മാനുമായിരുന്നു നദ്കര്‍നി. 1960–61ലെ ടെസ്റ്റില്‍ പാകിസ്ഥാനെതിരെ 24 ഓവറില്‍ നദ്കര്‍നി വഴങ്ങിയത് 23 റണ്‍സ് മാത്രമായിരുന്നു.1955ല്‍ കീവിസിനെതിരെ കളിച്ചായിരുന്നു നദ്കര്‍നിയുടെ അരങ്ങേറ്റം. 1968ല്‍ ന്യൂസിലാന്‍ഡിനെതിരെ കളിച്ച ടെസ്റ്റ് അവസാനത്തേതും.

നദ്കര്‍നിയുടെ വിയോഗത്തില്‍ സച്ചിന്‍ ടെണ്ടുല്‍ക്കര്‍, അമിതാഭ് ബച്ചന്‍, വസിം ജാഫര്‍, ഹര്‍ഷ ഭോഗ്ലെ തുടങ്ങിയവര്‍ അനുശോചനം അറിയിക്കുകയും ചെയ്തു.

YOU MAY ALSO LIKE

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.