Web Desk

ന്യൂഡൽഹി

January 30, 2020, 5:40 pm

ലോകത്തെ ഏറ്റവും ഗതാഗത തിരക്കേറിയ നഗരങ്ങളിൽ നാലെണ്ണവും ഇന്ത്യയിൽ

Janayugom Online

ലോകത്തെ ഏറ്റവും ഗതാഗത തിരക്കേറിയ 10 നഗരങ്ങളിൽ നാല് നഗരങ്ങളും ഇന്ത്യയിൽ. ടോംടോം ട്രാഫിക് ഇൻഡെക്സ് റിപ്പോർട്ടിലാണ് ഇന്ത്യൻ നഗരങ്ങളുടെ ഗതാഗതകുരുക്ക് വ്യക്തമാക്കിയിരിക്കുന്നത്. ബംഗളുരുവാണ് ഏറ്റവും ഗതാഗത കുരുക്കേറിയ നഗരം. സൂചിക പ്രകാരം എഴുപത്തി മൂന്ന് ശതമാനമാണ് ബംഗളൂരുവിലെ ഗതാഗത തിരക്കിന്റെ നിരക്ക്. ബംഗളൂരുവിലെ വാഹനയാത്രക്കാർ ശരാശരി 71 ശതമാനം അധിക യാത്രാ സമയമാണ് ചെലവഴിക്കുന്നത്.

ബംഗളുരുവിലെ യാത്രക്കാരൻ ഓരോ വർഷവും ശരാശരി 243 മണിക്കൂർ നേരമാണ് ട്രാഫിക്ക് ബ്ലോക്കിൽ കുടുങ്ങുന്നത്. അതായത് 10 ദിവസവും മൂന്ന് മണിക്കൂറും. തിരക്കേറിയ സമയങ്ങളിൽ മുംബൈക്കാർ അധികമായി 209 മണിക്കൂർ ഡ്രൈവിംഗ് ചെയ്യുന്നു. മുംബൈ (65%), പുണെ (59%), ന്യൂഡൽഹി (56%) എന്നിവയാണ് ഇന്ത്യയിലെ തിരക്കേറിയ നഗരങ്ങൾ. ആഗോള തലത്തിൽ യഥാക്രമം 1,4,5,8 സ്ഥാനങ്ങളിലാണ് ഈ നഗരങ്ങളിലെ ട്രാഫിക്. മനില (ഫിലിപ്പീൻസ്), ബൊഗോട്ട(കൊളംബിയ), മോസ്കോ(റഷ്യ), ലിമ(പെറു), ഇസ്താംബുൾ (തുർക്കി), ജക്കാർത്ത (ഇന്തോനേഷ്യ) എന്നിവയാണ് ആദ്യ പത്തിൽ ഇടം നേടിയ മറ്റ് ആഗോള നഗരങ്ങൾ. ലൊക്കേഷൻ ടെക്നോളജി സ്പെഷ്യലിസ്റ്റുകളായ ടോംടോം 57 രാജ്യങ്ങളിലെ 416 നഗരങ്ങളിലെ ഗതാഗത സാഹചര്യങ്ങൾ വിശദീകരിക്കുന്ന ട്രാഫിക് സൂചികയാണ് പുറത്തിറക്കിയത്.

Eng­lish Sum­ma­ry: Four of the world’s busiest cities are in India

You may also like this video