Web Desk

നെ​ടു​മ​ങ്ങാ​ട്

February 03, 2020, 4:58 pm

പെൺകുട്ടിയെ പെൺവാണിഭ സംഘത്തിലെത്തിക്കാൻ ശ്രമം; പരാജയപ്പെട്ടതോടെ അമ്മയെ ആക്രമിച്ച് സ്വർണ്ണം തട്ടിയെടുത്തു, നാലു പേർ അറസ്റ്റിൽ

Janayugom Online

പെൺകുട്ടിയെ പ്രലോഭിപ്പിച്ച് പെൺവാണിഭ സംഘത്തിലെത്തിക്കാൻ ശ്രമിക്കുകയും ശ്രമം പരാജയപ്പെട്ടതോടെ കുട്ടിയുടെ അമ്മയെ ആക്രമിച്ച് സ്വർണ്ണം തട്ടിയെടുക്കുകയും ചെയ്ത സംഭവത്തിൽ നാലു പേരെ പൊലീസ് അറസ്റ്റ് ചെയ്തു. സംഘത്തിലുള്ള രണ്ട് പേർക്കായി അന്വേഷണം നടക്കുകയാണ്. ര​ണ്ടാം പ്ര​തി എ.​നി​ഖി​ല്‍(30), കെ.​ഡി.​ഹൗ​സ്, പ​ന​വി​ളാ​കം, ന​രു​വാ​മൂ​ട്, മൂ​ന്നാം​പ്ര​തി നി​ഷ​കു​മാ​രി (33) കു​ന്നു​വി​ള​വീ​ട്, ശാ​സ്ത​വ​ട്ടം, അ​ഞ്ചാം​പ്ര​തി ശാ​ന്തി(37), ഇ.​ആ​ര്‍.​എ 42, ഇ​ര​പ്പു​കു​ഴി, കു​ട​പ്പ​ന​ക്കു​ന്ന്, വി.​വി​ഷ്ണു(27), ഗീ​താ​ഭ​വ​ന്‍, ഒ​ലി​പ്പു​ന​ട, ന​രു​വാ​മൂ​ട് എ​ന്നി​വ​രാ​ണ് അ​റ​സ്റ്റി​ലാ​യ​ത്. സം​ഭ​വ​ത്തി​ലെ മുഖ്യ സൂ​ത്ര​ധാ​ര​നും ഒന്നാം ​പ്ര​തി​യു​മാ​യ ന​വീ​ന്‍ സ​ഹാ​യി ആ​ദ​ര്‍​ശ് എ​ന്നി​വ​ര്‍​ക്കു​വേ​ണ്ടിയാണ് പൊലീസ് അന്വേഷണം വ്യാപിപ്പിച്ചിരിക്കുന്നത്.

അക്രമത്തിന് ശേഷം കാറില്‍ രക്ഷപ്പെട്ട ഇ​വ​രെ പിന്തുടരുന്നതിനെതിരെ മൂ​ന്നു​പേ​ര്‍ സ​ഞ്ച​രി​ച്ചി​രു​ന്ന കാ​ര്‍ മു​തി​യ​ന്‍​കാ​വി​നു സ​മീ​പം ​വ​ച്ച്‌ അ​പ​ക​ട​ത്തി​ല്‍പ്പെടുകയും ഈ ​കാ​റി​ല്‍ ​നി​ന്നും ര​ണ്ട് പ്ര​തി​ക​ളെ പൊ​ലീ​സ് പി​ടി​കൂ​ടുകയും ചെയ്തു. എന്നാൽ ഇക്കൂട്ടത്തിൽ ഉണ്ടായിരുന്ന ഒരാള്‍ ഓടി രക്ഷപ്പെട്ടു. തുടർന്ന് നടത്തിയ അന്വേഷണത്തിൽ മറ്റ് രണ്ട് പേരെ കൂടി പിടികൂടുകയായിരുന്നു. വീട്ടമ്മയുടെ പരാതിയെതുടർന്നാണ് അറസ്റ്റ്. മുഖ്യ പ്രതി ന​വീ​ന്‍ സം​സ്ഥാ​ന​ത്തെ വി​വി​ധ​സ്റ്റേ​ഷ​നു​ക​ളി​ലാ​യി 18‑ക്രി​മി​ന​ല്‍​കേ​സു​ക​ളി​ലും ശാ​ന്തി, നി​ഖി​ല്‍, ആ​ദ​ര്‍​ശ് എ​ന്നി​വ​ര്‍ ഒ​രു​ഡ​സ​നി​ല​ധി​കം കേ​സു​ക​ളി​ലും പ്ര​തി​ക​ളാ​ണെ​ന്ന് പോ​ലീ​സ് പ​റ​യു​ന്നു. എ​സ്.​ഐ.​ബാ​ബു, എ.​എ​സ്.​ഐ.​ഷ​ഫീ​ര്‍​ല​ബ്ബ, സി.​പി.​ഒ​മാ​രാ​യ അ​നൂ​പ്, ഷി​ജു​ലാ​ല്‍, അ​ഭി​ജി​ത്ത്, രാം​കു​മാ​ര്‍, അ​ഖി​ല്‍​കൃ​ഷ്ണ എ​ന്നി​വ​ര​ട​ങ്ങു​ന്ന സം​ഘ​മാ​ണ് പ്ര​തി​ക​ളെ പിടികൂടിയത്.

you may also like this video;